Májilis depýtaty óńirge baryp, taý eteginde turatyn elmen tildesipti.
"El aman, jurt tynyshta, "taý-tasty qiyon-qonshyna tyǵyp, menshiktep alypty" degendi estidińizder me?! Endeshe aitaiyn. Úshqońyr degen taýdyń baryn bárińiz bilesizder. Talailardyń kindik qany tamyp, tirligine arqaý bolǵan sol taý búginde sai-sala, qyrat-jotalarymen túgel bir azamattardyń ǵana menshiginde.
Almaty oblysyndaǵy Úshqońyr ústirtine barar joldy basynan-aiaǵyna deiin muzdai qarýalanǵan top kúzetedi. Jol joq emes bar. Biraq jabyq", - dedi Maqsat Tolyqbai.
Onyń sózinshe, Úshqońyr taýy zań boiynsha Ile Alataýy parkine qaraidy. Alaida "DúnieAgro" JShS-ne 2004 jyly "Úshqońyr" ústirtinde ornalasqan júzdegen gektar jerge menshik quqyǵy zańsyz berilgen. Óitkeni zań talaptary boiynsha (23-bap, 50-bap, 8 jáne 43-bap) arnaiy maqsattaǵy jerlerdi zańdy tulǵalardyń jekeshelep alýyna quqyǵy joq eken. Tipti ony bólýge de bolmaidy.
Depýtat osy mańda turatyn halyq malyn jaia almai, pushaiman kúide otyrǵanyn aitty.
"Qyratqa kireberisten 8 shaqyrym qashyqta ornalasqan Rezidentsiianyń aýmaǵy ǵana qorshalyp, shlagbaým qoiylsa taǵy bir sári... Al, jan balasyn jýytpai, taýdy ainaldyra qorshap tastaý - baryp turǵan bassyzdyq", - deidi Maqsat Tolyqbai.
Sýret: Sáýle Bikiteevanyń jelidegi paraqshasynan
