Zańger Moldahan Ádilethan Jambyl oblysynda alty adam qaza tapqan jol apatyna qatysty oiyn aitty, - dep habarlaidy Dalanews.kz.
Zańger jol apatyna kináli – Toiota Alfard júrgizýshileri ekenin atap ótti.
«Alfard, miniven aidaityndar Qyzylordadan Astanaǵa barady, Astanadan beri úiine, aýylyna qarai qaitady. Úiine kelip, talyp uiyqtaidy. Adam dál solai ómir súre berse miy «óship» qalady. Qansha myqty bolsań da, jas bolsań da, qanshama energetikalyq sýsyn ishseń de uiyqtap ketesiń. Sol minivenderge otyratyn halyq, qalai qoryqpaisyzdar? Onyń ústine uzaq jol júrseńizder «Alfardqa» otyrmańyzdar.
Politsiia qyzmetkerleriniń kóliginde eskertetin jaryq (migalka) janyp kele jatyr, ol óziniń jolaǵynda saǵatyna 90 shaqyrymmen kele jatady. «Alfard» qarsy jolaqqa shyǵyp ketedi, biraq ózi uiyqtap ketken. Eger júrgizýshi uiyqtap ketpegen bolsa qarsy jolaqqa shyqpas edi, sebebi politseidi kórip tur. Qarapaiym halyqqa aitarym, politsiia bolmasa tasjolda qyrylyp qalasyzdar», - deidi zańger.
Moldahan Ádilethan kóp júrgizýshi tasjolda asqan jyldamdyqpen júretinin aitady.
«Politsiia jaman» degen túsinik durys emes. Politsiia bolmasa kóshede emin-erkin júre almaisyń. Kóligińdi qoisań ony tonap ketedi, kóshede ketip bara jatsań áldekimder uryp-soǵyp, telefonyńdy alyp ketedi. Úiińde tynysh jata almaisyń, syrtqa shyǵyp ketseń qylmyskerler áielińdi zorlap ketedi. Politsiia bolmasa basqa da qylmystar kóbeiedi. Politsiia halyqtyń tynyshtyǵyn oilap, kúzetedi. Politsiia bolmasa beibereket jaǵdai bolady, 90-jyldarǵa oralamyz. Qazir bir jaǵdai bolsa ne isteisiz? Eshteńe istei almaisyz, eń birinshi kezekte 102-ge habarlasasyz. Olar kelip, kómektesedi», - deidi Moldahan Ádilethan.
Eske salaiyq, Jambyl oblysyndaǵy jantúrshigerlik jol apatynan keiin qazaqstandyqtar Jambyl oblysyndaǵy jantúrshigerlik jol apatynan keiin Toiota Alfard markaly avtokólikterine qarsy shyqqan bolatyn.
Jeli belsendisi Bekaidar Almuhanov qazaqstandyqtardy Toiota Alfard kólikterine minbeýge shaqyrdy.
"Búkil jerge qarasań osy kólik. Qazaqstanda budan basqa kólik qalmady ma? Nege "Alfard" júrgizýshileriniń kópshiligi taksi? Sizderge aitar aqylym, "Alfard" avtokólikterine minbeńizder. Túndegi sumdyq jaǵdaida kóliktiń ishindegi tórt adam tiridei janyp ketti, eki politsiia qyzmetkeri qaitys boldy.
Kólikti tizgindeitin besikten beli shyqpaǵan jas balalar. Faralardy «óltirip» jaǵyp, yrjyń-tyrjyń etip, tasjolda ózderinen basqa adam joq siiaqty elirip júredi. Ishki ister qyzmetkerleri olardyń zańǵa qaishy ornatylǵan faralaryn alyp tastaýy tiis. Taǵy da aita keteiin, Eýropa elderinde júk kóligi júrgizýshilerine tahograf (júrgizýshilerdiń qozǵalysyn tirkeýge arnalǵan mehanikalyq nemese elektrondy baqylaý quraly) qoiylady. Toiota Alfardtarǵa da dál osyndai qurylǵy qoiý kerek, olar atalǵan chip-kartamen zańdy buzbai aidaýy tiis. Ár qaladan kelgen saiyn politsiia qyzmetkerleri Alfard ielerin teksersin», - deidi bloger.
Bekaidar Almuhanov "Alfard" ieleriniń kólikti basqarý tehnikasy durys emes ekenin aitady.
"Kóliktiń gazyn túbine deiin baspasa, Alfard da jyn qýǵandai júrmes edi. Kólikti jaimen, baisaldy aidaityn júrgizýshiler de bar. Alaida qazirgi kúni osy kólikti tizgindegenderdiń deni jas balalar. Osy týrasynda politsiiadan mańyzdy aqparat aldym. Toiota Alfardtyń rólinde kóbine-kóp 2000 jyldardyń bas kezinde ómirge kelgen býyn otyr", - deidi bloger.
Jambyl oblysy politsiia departamentiniń habarlaýynsha, 17 tamyz kúni túngi saǵat 01:00 shamasynda respýblikalyq mańyzy bar Merki-Shý-Býrylbaital tas jolynyń 34-shi shaqyrymynda, Merki aýdanyna qarasty Tátti aýylynyń mańynda jol-kólik oqiǵasy bolǵan. Toyota Alfard miniveni men Skoda-Octavia politsiia kóligi betpe-bet soqtyǵysyp, miniven órtenip ketken.
Toiota Alfard kóliginde 8 jolaýshy bolǵan. Olardyń tórteýi sol jerde qaza bolyp, úsh jolaýshy men júrgizýshi ártúrli dárejedegi dene jaraqattarymen aýdandyq ortalyq aýrýhanaǵa jatqyzyldy.
Bul derek boiynsha QR QK 345-baby 4-bóligimen sotqa deiingi tergeý bastaldy. Politsiia muqiiat tergeý júrgizip, oqiǵanyń mán-jaiyn anyqtaý boiynsha barlyq qajetti sharalardy qabyldaýda.
