21 sáýirde Qaraqulov tergeý izoliatorynan bosap shyqqany málim boldy. Onyń qamaýǵa alynǵany sodan bir kún buryn ǵana habarlanǵan.
Ishki ister ministrliginiń tergeý departamenti áskeri tergeý basqarmasynyń habarlaýynsha, Qaraqulovty «bas prokýrordyń kómekshisi kúdiktini qamaýda ustaý qajet emes dep tanyǵanyna bailanysty» bosatylǵan. Basqarma málimetinshe, iske qatysty tergeý júrip jatyr.
Naýryz aiynda Qaidar Qaraqulov «Oństústik» óńirlik qosbasshylyǵynyń basshysy qyzmetinen bosatylǵan.
2021 jylǵy 26 tamyzda Jambyl oblysynyń Baizaq aýdanynda qarý-jaraq qoimasy jaryldy. 17 adam qaza tapty. Bir adam iz-tússiz joǵaldy. Júzge jýyq adam jaralanyp, júzdegen adam basqa jerge kóshirilgen-di. Qaza tapqandar arasynda tótenshe jaǵdai qyzmetiniń, prokýratýranyń qyzmetkerleri men áskeriler boldy.
Byltyrǵy 10 qazanda Jambyl oblysy Sarykemer qystaǵyndaǵy injenerlik qarý-jaraq qoimasynda taǵy bir jarylys boldy. Qorǵanys ministrligi tótenshe oqiǵa kezinde eshkim zardap shekpegenin habarlady.
2019 jylǵy maýsymda Túrkistan oblysyndaǵy Arys qalasynda áskeri qoima jarylyp, tórt adam qaza taýyp, 60 myńnan astam adam úilerin tastap ketýge májbúr boldy. Resmi málimet boiynsha, Arystaǵy jarylystan 7 527 turǵyn úi jáne 103 kóp qabatty úi qirady. Shamamen 500 úi men úsh kóp qabatty úi súrildi.
