21 ساۋىردە قاراقۇلوۆ تەرگەۋ يزولياتورىنان بوساپ شىققانى ءمالىم بولدى. ونىڭ قاماۋعا الىنعانى سودان ءبىر كۇن بۇرىن عانا حابارلانعان.
ىشكى ىستەر مينيسترلىگىنىڭ تەرگەۋ دەپارتامەنتى اسكەري تەرگەۋ باسقارماسىنىڭ حابارلاۋىنشا، قاراقۇلوۆتى «باس پروكۋروردىڭ كومەكشىسى كۇدىكتىنى قاماۋدا ۇستاۋ قاجەت ەمەس دەپ تانىعانىنا بايلانىستى» بوساتىلعان. باسقارما مالىمەتىنشە، ىسكە قاتىستى تەرگەۋ ءجۇرىپ جاتىر.
ناۋرىز ايىندا قايدار قاراقۇلوۆ «وڭستۇستىك» وڭىرلىك قوسباسشىلىعىنىڭ باسشىسى قىزمەتىنەن بوساتىلعان.
2021 جىلعى 26 تامىزدا جامبىل وبلىسىنىڭ بايزاق اۋدانىندا قارۋ-جاراق قويماسى جارىلدى. 17 ادام قازا تاپتى. ءبىر ادام ءىز-تۇسسىز جوعالدى. جۇزگە جۋىق ادام جارالانىپ، جۇزدەگەن ادام باسقا جەرگە كوشىرىلگەن-دى. قازا تاپقاندار اراسىندا توتەنشە جاعداي قىزمەتىنىڭ، پروكۋراتۋرانىڭ قىزمەتكەرلەرى مەن اسكەريلەر بولدى.
بىلتىرعى 10 قازاندا جامبىل وبلىسى سارىكەمەر قىستاعىنداعى ينجەنەرلىك قارۋ-جاراق قويماسىندا تاعى ءبىر جارىلىس بولدى. قورعانىس مينيسترلىگى توتەنشە وقيعا كەزىندە ەشكىم زارداپ شەكپەگەنىن حابارلادى.
2019 جىلعى ماۋسىمدا تۇركىستان وبلىسىنداعى ارىس قالاسىندا اسكەري قويما جارىلىپ، ءتورت ادام قازا تاۋىپ، 60 مىڭنان استام ادام ۇيلەرىن تاستاپ كەتۋگە ءماجبۇر بولدى. رەسمي مالىمەت بويىنشا، ارىستاعى جارىلىستان 7 527 تۇرعىن ءۇي جانە 103 كوپ قاباتتى ءۇي قيرادى. شامامەن 500 ءۇي مەن ءۇش كوپ قاباتتى ءۇي ءسۇرىلدى.
