Jambyl oblysynyń memlekettik kirister departamentiniń bas mamany deldal bolǵany úshin sottaldy, dep habarlaidy Dalanews.kz.
Jambyl oblysynyń qylmystyq ister jónindegi mamandandyrylǵan aýdanaralyq soty oblystyq memlekettik kirister departamentiniń bas mamany S.Úkimbaevqa, Taraz qalasynyń turǵyndary E.Mýradovqa jáne T.Teleýovke úkim shyǵardy.
Muradov pen Teleýov buryn tárkilengen jáne sot sheshimi boiynsha joiylýy qajet temeki ónimin bergeni úshin qalalyq qarjy bóliminiń laýazymdy adamdaryna 200 myń AQSh dollary somasynda para bergeni úshin, al Úkimbaev paraqorlyqqa deldal bolǵany úshin kináli dep tanyldy.
"Sot úkimimen Muradovqa 10 jyl, Teleýovke 9 jyl, Úkimbaevqa 3 jylǵa bas bostandyǵynan aiyrý jazasy taǵaiyndaldy", - dep jazylǵan habarlamada.
Sonymen qatar, Úkimbaev ómir boiy memlekettik qyzmette jáne kvazimemlekettik sektor sýbektilerinde qyzmet atqarý quqyǵynan aiyryldy. Sot aktisi zańdy kúshine engen joq.
