Jambyl oblysynda Facebook jelisinde belsendi bloger bolyp júrgen iýriskonsýlt qoǵamdyq orynda ádepsiz áreketi úshin jaýapqa tartylyp, ústinen azamattyq shaǵym túsirildi. Bul týraly óńirlik sottardyń birikken baspasóz qyzmeti málimdedi, dep habarlaidy Dalanews.kz.
Belgili bolǵandai, ol oblystyq iýriskonsýlttar palatasynyń múshesi.
Buǵan deiin ol qoǵamdyq orynda beitanys adamnyń mazasyn alyp, onyń kóliginiń qozǵalysyna kedergi keltirgen. Nátijesinde oǵan 78 myń teńge kóleminde aiyppul salynǵan.
Jábirlenýshi keiinnen moraldyq shyǵyn retinde 500 myń teńge, ókiliniń qyzmet aqysy úshin 250 myń teńge óndirip berý týraly sotqa talap aryz túsirdi. Sonymen qatar, iýriskonsýlttar palatasyna da júginip, onyń kásibi etikany buzǵany úshin shara qoldanýdy surady.
Sot isti qarap, talapty jartylai qanaǵattandyrdy: iýriskonsýlt 50 myń teńge kóleminde moraldyq ótemaqy, 275 myń teńge ókildiń qyzmet aqysy men memlekettik baj salyǵyn tóleýge mindetteldi. Sonymen qatar, sot palataǵa jeke uiǵarym shyǵaryp, nátijesinde oǵan resmi túrde sógis jariialandy.
