جامبىل وبلىسىندا Facebook جەلىسىندە بەلسەندى بلوگەر بولىپ جۇرگەن يۋريسكونسۋلت قوعامدىق ورىندا ادەپسىز ارەكەتى ءۇشىن جاۋاپقا تارتىلىپ، ۇستىنەن ازاماتتىق شاعىم ءتۇسىرىلدى. بۇل تۋرالى وڭىرلىك سوتتاردىڭ بىرىككەن باسپا ءسوز قىزمەتى مالىمدەدى، دەپ حابارلايدى Dalanews.kz.
بەلگىلى بولعانداي، ول وبلىستىق يۋريسكونسۋلتتار پالاتاسىنىڭ مۇشەسى.
بۇعان دەيىن ول قوعامدىق ورىندا بەيتانىس ادامنىڭ مازاسىن الىپ، ونىڭ كولىگىنىڭ قوزعالىسىنا كەدەرگى كەلتىرگەن. ناتيجەسىندە وعان 78 مىڭ تەڭگە كولەمىندە ايىپپۇل سالىنعان.
جابىرلەنۋشى كەيىننەن مورالدىق شىعىن رەتىندە 500 مىڭ تەڭگە، وكىلىنىڭ قىزمەت اقىسى ءۇشىن 250 مىڭ تەڭگە ءوندىرىپ بەرۋ تۋرالى سوتقا تالاپ ارىز ءتۇسىردى. سونىمەن قاتار، يۋريسكونسۋلتتار پالاتاسىنا دا جۇگىنىپ، ونىڭ كاسىبي ەتيكانى بۇزعانى ءۇشىن شارا قولدانۋدى سۇرادى.
سوت ءىستى قاراپ، تالاپتى جارتىلاي قاناعاتتاندىردى: يۋريسكونسۋلت 50 مىڭ تەڭگە كولەمىندە مورالدىق وتەماقى، 275 مىڭ تەڭگە وكىلدىڭ قىزمەت اقىسى مەن مەملەكەتتىك باج سالىعىن تولەۋگە مىندەتتەلدى. سونىمەن قاتار، سوت پالاتاعا جەكە ۇيعارىم شىعارىپ، ناتيجەسىندە وعان رەسمي تۇردە سوگىس جاريالاندى.
