Jambyl oblysyndaǵy Otar aýylynda ornalasqan 30212 áskeri bólimi aýmaǵynda kezekti alańdatarlyq jaǵdai boldy. Aldyn ala málimetke sáikes, áskeri qyzmetshi qolyna aýyr jaraqat salǵan, dep habarlaidy Dalanews.kz.
Jýrnalist Mihail Kozachkovtyń habarlaýynsha, oqiǵa sarbazǵa tikelei basshysy eskertý jasaǵannan keiin bolǵan. Sol sátte áskeri qyzmetshi órt qalqanynan balta alyp, qolyn jaraqattaǵan. Kei málimetterde onyń saýsaqtaryn shaýyp tastaǵany aitylsa, basqa derekterde sarbazdyń qoly tereń tilingenimen, saýsaqtaryn aman alyp qalǵany kórsetiledi.
Oqiǵa Jambyl oblysy aýmaǵyndaǵy Otar garnizonynda bolǵan. Qazirgi tańda jaǵdaidyń naqty mán-jaiy anyqtalyp jatyr. Resmi organdar ázirge túsinikteme bergen joq.
Material jariialanǵan sátte Qorǵanys ministrligi tarapynan resmi aqparat usynylmady.
