Jambyl oblysynda bolǵan kúshti jel birqatar eldi mekenderge ziianyn tigizdi. Ásirese T. Rysqulov aýdany aýmaǵynda ekpini sekýndyna 30 metrge deiin jetken daýyl áleýmettik nysandar men turǵyn úilerdiń shatyrlaryn ushyryp, infraqurylymǵa zaqym keltirdi, dep habarlaidy Dalanews.kz
Aldyn ala málimetke sáikes, jeti eldi mekende jalpy sany 29 nysannyń shatyry búlingen. Onyń ishinde 10-y – mektepter men basqa da áleýmettik mańyzy bar ǵimarattar. Qatty jel saldarynan 19 eldi mekende elektr jaryǵy óship, 7 aýylda gaz qubyrynyń jumysy ýaqytsha toqtatyldy.
Abyroi bolǵanda, tabiǵi apattan zardap shekkender men qaza tapqandar tirkelmegen.
Qazir aimaqta qalpyna keltirý jumystary júrip jatyr. Elektr jáne gaz jelilerin jóndeý úshin arnaiy brigadalar jumyldyrylǵan. Mamandar birinshi kezekte jaryq pen gazdy tolyq qalpyna keltirýdi, sondai-aq búlingen nysandardy qaýipsiz jaǵdaiǵa keltirýdi qolǵa alǵan. Zalal kólemi naqtylanyp jatyr.
Jergilikti bilik jaǵdaidy baqylaýǵa alyp, áleýmettik nysandardyń jumysyn qalypqa keltirýdi jedeldetýge ýáde berdi.
