Jambyl oblysynda er adam esirtkini balalar júrgen baqshaǵa baryp órtegeni anyqtaldy, dep habarlaıdy Dalanews.kz.
Shý qalasynyń 41 jastaǵy turǵynyna qatysty qylmystyq is qozǵaldy. Er adamnyń úıin jáne irgeles aýmaqtardy tintý kezinde esirtki qoıylǵan birneshe jasyryn oryn anyqtaldy.
Saraptama nátıjelerine sáıkes, tabylǵan zattar salmaǵy 2 keliden asatyn gashısh jáne 23 gramnan astam keptirilgen marıhýana bolyp shyqty.
“Kúdikti esirtkini áıeli men kámeletke tolmaǵan úsh balasy bola tura birge turatyn úılerinde saqtaǵan. Esirtkini óńdegennen keıin qalǵan qaldyqtaryn jaqyn jerde kishkentaı balalar oınap júrgenine qaramastan, baqshasynda órtep jibergen.
Qazirgi ýaqytta tergeý áreketteri júrgizilýde. Kúdikti ýaqytsha ustaý ızolátoryna qamaldy. Esirtkini asa iri mólsherde saqtaǵany úshin 7 jylǵa deıin bas bostandyǵynan aıyrylý qaýpi tónip tur”, - delingen oblystyq PD habarlamasynda.
