جامبىل وبلىسىندا ەر ادام ەسىرتكىنى بالالار جۇرگەن باقشاعا بارىپ ورتەگەنى انىقتالدى، دەپ حابارلايدى Dalanews.kz.
شۋ قالاسىنىڭ 41 جاستاعى تۇرعىنىنا قاتىستى قىلمىستىق ءىس قوزعالدى. ەر ادامنىڭ ءۇيىن جانە ىرگەلەس اۋماقتاردى ءتىنتۋ كەزىندە ەسىرتكى قويىلعان بىرنەشە جاسىرىن ورىن انىقتالدى.
ساراپتاما ناتيجەلەرىنە سايكەس، تابىلعان زاتتار سالماعى 2 كەلىدەن اساتىن گاشيش جانە 23 گرامنان استام كەپتىرىلگەن ماريحۋانا بولىپ شىقتى.
“كۇدىكتى ەسىرتكىنى ايەلى مەن كامەلەتكە تولماعان ءۇش بالاسى بولا تۇرا بىرگە تۇراتىن ۇيلەرىندە ساقتاعان. ەسىرتكىنى وڭدەگەننەن كەيىن قالعان قالدىقتارىن جاقىن جەردە كىشكەنتاي بالالار ويناپ جۇرگەنىنە قاراماستان، باقشاسىندا ورتەپ جىبەرگەن.
قازىرگى ۋاقىتتا تەرگەۋ ارەكەتتەرى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى. ەسىرتكىنى اسا ءىرى مولشەردە ساقتاعانى ءۇشىن 7 جىلعا دەيىن باس بوستاندىعىنان ايىرىلۋ ءقاۋپى ءتونىپ تۇر”، - دەلىنگەن وبلىستىق پد حابارلاماسىندا.
