Jambyl oblysynda ataýly áleýmettik kómek alýshylar 1,5 esege artady
Spikerler Qazaqstan Respýblikasy Prezidentiniń «Nur Otan» partiiasynyń XVIII sezinde aitylǵan tapsyrmalaryn oryndaý týraly baiandap, jýrnalisterdiń suraqtaryna jaýap berdi.
Elbasynyń «Nur Otan» partiiasynyń kezekti XVIII sezinde bergen tapsyrmalaryna sáikes oblysta aýqymdy jumystar josparlanyp otyr. Sezde Elbasy turǵyndardyń kiristerin ulǵaitý jáne az qamtylǵan toptarǵa qoldaý kórsetip, turǵyn úi máselelerin sheshý, sonymen qatar óńirlerdi keshendi damytý qajettiligi týraly aitqan bolatyn. Sondyqtan da búgingi kúnniń áleýmettik saiasaty úsh negizgi mindetterdi júzege asyrýǵa baǵyttalyp otyr. Eń birinshi mindet tabysty arttyryp, halyqtyń az qamtylǵan toptaryn qoldaý. Bul baǵytta Memleket basshysy qazaqstandyq otbasylardyń ál-aýqatynyń deńgeiin arttyrý jónindegi sharalardy kúsheitýdi tapsyrdy.
Nátijesinde 2019 jylǵy 1 shildeden bastap:
- jalaqysy tómen biýdjettik saladaǵy qyzmetkerlerdiń jalaqysy 30 paiyzǵa deiin artady. Bul oblystyń 40 myńnan astam halqyn quraidy.
- aýdandyq jáne oblystyq deńgeide halyqpen tikelei jumys isteitin atqarýshy organdardyń tómengi qyzmetkerleriniń jalaqysy orta eseppen 25 paiyzǵa artady, bul oblystyń 2403 qyzmetkerin quraidy.
