Jambyl oblysynda 255 kópir men 789 sý ótkizý qurylǵylary tazartyldy
Oblys aýmaǵynda sý tasqyny jaǵdaiy Talas, Shý jáne Asa ózenderi arqaly ótedi, sonymen qatar taýly aimaqtarda ornalasqan 5 aýdannyń (Jýaly, Merki, T.Rysqulov, Qordai, Talas) Qaraqońyz, Yrǵaity, Aspara, Merke, Qaraqystaq, Qaiyńdy, Aqsai jáne Kóksai ózenderinde erigen qar sýlarymen aiqyndalady. Aýa-temperatýrasynyń tez joǵarlaýy kezinde oblystyń barlyq aýdandarynda biik bókterden intensivti sý aǵyny bolýy múmkin. Sý tasqyny saldarynan bolýy múmkin tótenshe jaǵdailardyń shyǵynyn tómendetý maqsatynda «2018 jylǵy kóktemgi sý tasqyny merzimin ótkizý jáne daiyndyq is-sharalarynyń» jospary ázirlenip, bekitildi.
Atalǵan jospardyń negizinde, jergilikti atqarýshy organdarmen sý tasqyny merziminde sýdyń apatsyz ótýin aldyn alý sharalary júrgizilýde. Sý tasqynyn aldyn alý sharalaryn júrgizý kezinde 568 shaqyrym drenajdy kanal jáne aryq júielerin qoqystan tazartý jumystary júrgizildi. Avtokólik jáne temir joldarynyń boiyndaǵy 255 kópir jáne 789 sý ótkizý qurylǵylary tazartyldy. Búgingi kúnge jazyq aýdandar men eldi mekenderde shamaly qar bar. «Qazgidromet» RMK filialy jáne «Qazseldenqorǵaý» MM filialynyń 2019 jylǵy 20 aqpandaǵy málimetterine sáikes, taýly jáne taý bókterindegi qardyń qalyńdyǵy 10 sm-den 25 sm-di quraidy.
