جامبىل وبلىسى اكىمدىگى ىشكى ساياسات باسقارماسى "وڭىرلىك كوممۋنيكاسيالار قىزمەتىنىڭ" الاڭىندا جامبىل وبلىسى تجد باستىعىنىڭ ورىنباسارى ماقسات اكىمبايەۆ، توتەنشە جاعدايلاردى الدىن الۋ ءبولىمىنىڭ باستىعى ومار تاكەيەۆ، ازاماتتىق قورعانىس باسقارماسىنىڭ باستىعى اسەت ماناسوۆتىڭ قاتىسۋىمەن باسپا ءسوز كونفەرەنسياسى ءوتتى. سپيكەرلەر سۋ تاسقىنىنا دايىندىق جانە الدىن الۋ شارالارى تۋرالى بايانداپ، جۋرناليستەردىڭ سۇراقتارىنا جاۋاپ بەردى.

وبلىس اۋماعىندا سۋ تاسقىنى جاعدايى تالاس، شۋ جانە اسا وزەندەرى ارقالى وتەدى، سونىمەن قاتار تاۋلى ايماقتاردا ورنالاسقان 5 اۋداننىڭ (جۋالى، مەركى، ت.رىسقۇلوۆ، قورداي، تالاس) قاراقوڭىز، ىرعايتى، اسپارا، مەركە، قاراقىستاق، قايىڭدى، اقساي جانە كوكساي وزەندەرىندە ەرىگەن قار سۋلارىمەن ايقىندالادى. اۋا-تەمپەراتۋراسىنىڭ تەز جوعارلاۋى كەزىندە وبلىستىڭ بارلىق اۋداندارىندا بيىك بوكتەردەن ينتەنسيۆتى سۋ اعىنى بولۋى مۇمكىن. سۋ تاسقىنى سالدارىنان بولۋى مۇمكىن توتەنشە جاعدايلاردىڭ شىعىنىن تومەندەتۋ ماقساتىندا «2018 جىلعى كوكتەمگى سۋ تاسقىنى مەرزىمىن وتكىزۋ جانە دايىندىق ءىس-شارالارىنىڭ» جوسپارى ازىرلەنىپ، بەكىتىلدى.

اتالعان جوسپاردىڭ نەگىزىندە، جەرگىلىكتى اتقارۋشى ورگاندارمەن سۋ تاسقىنى مەرزىمىندە سۋدىڭ اپاتسىز ءوتۋىن الدىن الۋ شارالارى جۇرگىزىلۋدە. سۋ تاسقىنىن الدىن الۋ شارالارىن جۇرگىزۋ كەزىندە 568 شاقىرىم درەناجدى كانال جانە ارىق جۇيەلەرىن قوقىستان تازارتۋ جۇمىستارى جۇرگىزىلدى. اۆتوكولىك جانە تەمىر جولدارىنىڭ بويىنداعى 255 كوپىر جانە 789 سۋ وتكىزۋ قۇرىلعىلارى تازارتىلدى. بۇگىنگى كۇنگە جازىق اۋداندار مەن ەلدى مەكەندەردە شامالى قار بار. «قازگيدرومەت» رمك فيليالى جانە «قازسەلدەنقورعاۋ» مم فيليالىنىڭ 2019 جىلعى 20 اقپانداعى مالىمەتتەرىنە سايكەس، تاۋلى جانە تاۋ بوكتەرىندەگى قاردىڭ قالىڭدىعى 10 سم-دەن 25 ءسم-دى قۇرايدى.