«HH ǵasyrdyń Gomeri», jyr dúldiline arnalǵan keshtiń shymyldyǵy, ǵasyr aqynynyń eskertkishine Almaty oblysynyń ákimi Marat Sultanǵazievtyń gúl shoqtaryn qoiýynan bastaý alyp, sońy aimaq basshysynyń qatysýymen Qonaev qalasyndaǵy mádeniet úiindegi úlken merekelik kontsertke ulasty.
Saltanatty sharada qazaqtyń qara óleńin kie tutqan, júreginiń túbinen qainap shyqqan asyl jyrlarymen, qalyń jurtshylyqtyń mahabbatyna bólengen sańlaq týraly «Uly dalanyń jyr Jolbarysy» teatrlandyrylǵan prolog sahna tórinde kórinis tapty.
Halyq poeziiasynyń alyby atanǵan Jambyldyń esimi ár adamnyń jadynda jattalǵan. Ol rasynda, «óleń kirgen túsine – Jórgeginde men bolam», – dep ózi aitqandai, ómirge óleń bolyp týǵan sirek qubylys.
Aitys óneriniń maitalmany Súiinbaidyń batasyn alǵan, qazaq ádebietiniń klassik jazýshysy Muhtar Áýezovtyń ózi «Jambyl-aqyl oidyń alǵyry, ózgege uqsamaityn dara, oqshaý. Onyń bir ózi ári epik, ári aitys aqyny, ári azamattyq áýenniń de aqyny» dep baǵa bergen alyp tulǵanyń adamzattyń ómirinde alar orny airyqsha.
Artynda qalaǵan murasy talai janǵa azyq bolyp qalǵan dala darynyn ulyqtaý búgingi urpaqqa paryz.
– Eldikti, ədildikti, erlikti dəriptedi. Sóitip óziniń móldir gaýhar jyrlarymen óz halqynyń ystyq yqylasyna bólendi. Esimi əlemge ańyz bolyp tarady. Sońǵy 2 jyl ishinde aqynnyń muralaryn nasihattaityn «Jambyl əlemi» atty 30 tomdyq kitap jaryq kórdi. Tanymal ǵalymdardyń eńbekterimen taǵy 10 tomdyq jinaq oqyrman qaýymǵa jol tartqan bolatyn.
Ankara qalasynda «Jambyl Jabaev» atty kitaptyń tusaýy «Túriksoi» uiymynyń basqarma basshysy Sanjar Múləzimulynyń qatysýymen kesilgen edi. Ot aýyz oraq tildi aqynnyń muralary bolashaqta tereńinen zerttelip, keiingi urpaqqa asyl qazyna bolyp qalary sózsiz. Biz Jambyl Jabaevtyń mol murasyn tek mereitoida ǵana emes, ár jyl saiyn júieli túrde jas urpaqtyń sanasyna sińirýimiz qajet, – dedi Marat Sultanǵaziev.
Saltanatty jiynda oblys ákiminen bólek, aqyn, dramatýrg, Qazaqstannyń eńbek sińirgen qairatkeri, memlekettik syilyqtyń laýreaty Nurlan Orazalin men belgili jazýshy, qoǵam qairatkeri, Qazaqstannyń eńbek sińirgen qairatkeri, jambyltanýshy, Almaty oblysynyń «Qurmetti azamaty» Naǵashybek Qapalbekuly da sóz marjanyn tergen týma talanttyń ǵaziz jyrlaryna toqtalyp, onyń shyǵarmashylyǵynyń mańyzy týraly oi órbitti.
