Kezdesý keshiniń maqsaty, «Jambyl-meniń jai atym, halyq meniń shyn atym» degen uly tulǵa Jambyl Jabaevtyń ómiri men shyǵarmshylyǵyn oqyrman qaýymǵa keńinen tanystyryp, ósip kele jatqan jas urpaqqa jyr dúldiliniń shyǵarmashylyǵynyń qazaq ádebietindegi alatyn orny men mańyzyn túsindirý. Sondai-aq Jambyl atanyń tikelei urpaqtary nemere-shóberelerimen, jambyltanýshy, aqyn, jazýshy syndy elimizdegi eńbegi eleýli azamatttarmen suhbattasý, qazaq halqynyń mańdaiyna bitken asa daryndy jyrshy, jyr alyby Jambyl Jabaev shyǵarmashylyǵyn dáripteý men aqyn shyǵarmalaryn oqyrman qaýymǵa keńinen nasihattaý boldy.
Kezdesý keshinde Qazaqstan Jazýshylar Odaǵynyń múshesi, Qazaqstan Respýblikasynyń Mádeniet qairatkeri, aqyn, jazýshy, jýrnalist, Halyqaralyq Jambyl syilyǵynyń iegeri, baspager, Halyqaralyq Jambyl qorynyń tóraǵasy Manarbek Izbasarov, Jyr dúldiliniń shóberesi Murathan Jambylov, «Aitumar» baspasynyń direktory Almas Qabdykarimov jáne de kezdesý keshiniń qonaqtarymen didarlasyp, suhbattasýǵa kelgen aqsaqal Alataý aýdandyq ardagerler keńesiniń tóraǵasy Q.Qabdoldin myrzalar quttyqtaý sóz sóiledi.
Kesh barysynda Halyqaralyq Jambyl qorynyń tóraǵasy Manarbek Izbasarov №44 kitaphana ujymyn qazaq ádebietiniń kórnekti ókili, aitys ónerinń sańlaǵy, daýylpaz aqyn Jambyl Jabaevtyń 175 jyldyq mereitoiyn joǵarǵy deńgeide atap ótýge belsene atsalysqany úshin Halyqaralyq Jambyl qorynyń Alǵys hatymen marapattap, kitaphanaǵa Jambyl atamyzdyń portreti men «Aitumar» jáne «Ulaǵat» baspasynyń Uly dala tulǵalary seriiasynyń kitaptaryn syiǵa tartty.
Alataý aýdandyq ardagerler keńesiniń tóraǵasynyń orynbasary Taýbaldy Saǵatýlla, Alataý aýdandyq mádeniet bóliminiń basshysy Erbol Qaldarbekov, Alataý dástúrli óner teatry direktorynyń orynbasary Halel Baiadilov taǵy basqa da qonaqtar Jambyl murasyn nasihattaý jaiynda tushymdy maǵynaly áńgimeler qozǵap, jáne joǵaryda atalǵan teatrdyń ánshisi Altybaev Qýanysh keshtiń qadirli qonaqtaryna óziniń án shashýyn arnap, keshke jinalǵan kópshilik qaýymdy bir marqaityp tastady. Kezdesý keshi is-sharaǵa jinalǵan qaýymnyń kóńilinen shyǵyp, este qalarlyqtai áserde óte qyzyqty ótti.
Jeńiskúl ERMEKBAEVA,
Almaty qalasy Ortalyqtandyrylǵan
kitaphana júiesiniń
№ 44 kitaphanasynyń meńgerýshisi
