Aýdan aýmaǵynda 24 aýyldyq okrýg, 61 eldi meken bar. Óńir boiynsha avtomobil joldarynyń jalpy uzyndyǵy 1919,2 shaqyrym qurasa, onyń ishinde respýblikalyq mańyzy bar avtomobil joldarynyń uzyndyǵy 331 shaqyrym, oblystyq mańyzy bar – 594,3 shaqyrym, aýdandyq mańyzy bar – 79,0 shaqyrym jáne aýylishilik avtomobil joldarynyń uzyndyǵy 914,9 shaqyrymdy qamtidy.
Ústimizdegi jyly aýdandaǵy eldi mekenderdiń joldaryn jóndeýge jáne kútip ustaýǵa 1 023,0 mln teńge bólingen. Berilgen qarajatqa 15 eldi mekenniń uzyndyǵy 56,3 shaqyrymdy quraityn 47 kósheniń avtomobil joldaryna jóndeý jumystaryn júrgizý josparlanǵan.
Qarastyrylǵan qarjy dittegen jerine jetip, júieli túrde igerildi. Onyń bir dáleli biyl Uzynaǵash aýylyndaǵy 5 kóshesi, Sarybai bi aýylynyń 2 kóshesi, Qaraqystaq aýylynyń 1 kóshesi, Qazybek bek aýylynyń uzyndyǵy 5250 m quraityn 4 kóshesi, Qasymbek aýylynyń úzyndyǵy 4950 m quraityn 5 kóshesi, Kókdala aýylynyń 3 kóshesi tolyǵymen jóndeýden ótti.
Qazirgi ýaqytta Aqterek aýylynyń uzyndyǵy 4420 metrdi quraityn Esdáýlet, Qarash batyr, Ryskeldy, Baimen syndy 4 kóshesine sondai-aq, Shien aýylynyń 3 kóshesine ortasha jóndeý jumystary júrgizilýde.
Jergilikti atqarýshy organ joǵaryda kórsetilgen nysandar boiynsha bólingen qarajat jóndeý jumystaryn aiaqtaý úshin búgingi kúnge jetkiliksiz ekenin alǵa tartýda. Osyǵan bailanysty atalǵan nysandar boiynsha jumystaryn aiaqtaý maqsatynda Almaty oblysynyń jolaýshy kóligi jáne avtomobil joldary basqarmasyna 1 167,6 mln teńgege biýdjettk ótinim bergen.
Aita keteiik, jyldyń sońyna deiin jaqsy jáne qanaǵattanarlyq jol úlesi qajetti qarjy bólingen jaǵdaida 64,4 %-ǵa deiin artatyn bolady dep kútilýde.
