اۋدان اۋماعىندا 24 اۋىلدىق وكرۋگ، 61 ەلدى مەكەن بار. ءوڭىر بويىنشا اۆتوموبيل جولدارىنىڭ جالپى ۇزىندىعى 1919،2 شاقىرىم قۇراسا، ونىڭ ىشىندە رەسپۋبليكالىق ماڭىزى بار اۆتوموبيل جولدارىنىڭ ۇزىندىعى 331 شاقىرىم، وبلىستىق ماڭىزى بار – 594،3 شاقىرىم، اۋداندىق ماڭىزى بار – 79،0 شاقىرىم جانە اۋىلىشىلىك اۆتوموبيل جولدارىنىڭ ۇزىندىعى 914،9 شاقىرىمدى قامتيدى.
ۇستىمىزدەگى جىلى اۋدانداعى ەلدى مەكەندەردىڭ جولدارىن جوندەۋگە جانە كۇتىپ ۇستاۋعا 1 023،0 ملن تەڭگە بولىنگەن. بەرىلگەن قاراجاتقا 15 ەلدى مەكەننىڭ ۇزىندىعى 56،3 شاقىرىمدى قۇرايتىن 47 كوشەنىڭ اۆتوموبيل جولدارىنا جوندەۋ جۇمىستارىن جۇرگىزۋ جوسپارلانعان.
قاراستىرىلعان قارجى دىتتەگەن جەرىنە جەتىپ، جۇيەلى تۇردە يگەرىلدى. ونىڭ ءبىر دالەلى بيىل ۇزىناعاش اۋىلىنداعى 5 كوشەسى، سارىباي بي اۋىلىنىڭ 2 كوشەسى، قاراقىستاق اۋىلىنىڭ 1 كوشەسى، قازىبەك بەك اۋىلىنىڭ ۇزىندىعى 5250 م قۇرايتىن 4 كوشەسى، قاسىمبەك اۋىلىنىڭ ءۇزىندىعى 4950 م قۇرايتىن 5 كوشەسى، كوكدالا اۋىلىنىڭ 3 كوشەسى تولىعىمەن جوندەۋدەن ءوتتى.
قازىرگى ۋاقىتتا اقتەرەك اۋىلىنىڭ ۇزىندىعى 4420 مەتردى قۇرايتىن ەسداۋلەت، قاراش باتىر، رىسكەلدى، بايمەن سىندى 4 كوشەسىنە سونداي-اق، شيەن اۋىلىنىڭ 3 كوشەسىنە ورتاشا جوندەۋ جۇمىستارى جۇرگىزىلۋدە.
الداعى تاڭدا قاجەتتى قاراجات بولىنگەن جاعدايدا ءماتىبۇلاق اۋىلىنىڭ 2 كوشەسى، دەگەرەس اۋىلىنىڭ 3 كوشەسى، ۇمبەتالى اۋىلىنىڭ 2 كوشەسى، قارعالى اۋىلىنىڭ 4 كوشەسى، بوزوي اۋىلىنىڭ 3 كوشەسى، جامبىل اۋىلىنىڭ 4 كوشەسى، قاراارشا اۋىلىنىڭ 1 كوشەسى، بەسمويناق اۋىلىنىڭ 1 كوشەسى، ۇزىناعاش اۋىلىنىڭ 6 كوشەسى جوندەدەن وتەتىن بولادى.
جەرگىلىكتى اتقارۋشى ورگان جوعارىدا كورسەتىلگەن نىساندار بويىنشا بولىنگەن قاراجات جوندەۋ جۇمىستارىن اياقتاۋ ءۇشىن بۇگىنگى كۇنگە جەتكىلىكسىز ەكەنىن العا تارتۋدا. وسىعان بايلانىستى اتالعان نىساندار بويىنشا جۇمىستارىن اياقتاۋ ماقساتىندا الماتى وبلىسىنىڭ جولاۋشى كولىگى جانە اۆتوموبيل جولدارى باسقارماسىنا 1 167،6 ملن تەڭگەگە بيۋدجەتتك ءوتىنىم بەرگەن.
ايتا كەتەيىك، جىلدىڭ سوڭىنا دەيىن جاقسى جانە قاناعاتتانارلىق جول ۇلەسى قاجەتتى قارجى بولىنگەن جاعدايدا 64،4 %-عا دەيىن ارتاتىن بولادى دەپ كۇتىلۋدە.
