Jalpy ulttyq joba jańa jumys oryndaryn qurý, halyqty turaqty jumysqa ornalastyrý, qysqa merzimdi kásiptik oqytý, memlekettik garnttar men jastar tájirıbesi, alǵashqy jumys orny, «Kúmis jas» jobasy, sonymen qatar urpaqtar kelisim sharty, áleýmettik jumys oryndary men qoǵamdyq jumystar atty negizgi 11 baǵyttan turady.
Dál osy baǵdarlamanyń birinshi baǵyty, qysqa merzimdi kásiptik oqytý boıynsha Jambyl aýdanynda aǵymdaǵy jyly 130 myń azamatqa 35 mln 956 myń qarjy bólingen. Qazirgi tańda olardyń 110-y qysqa merzimdik kásiptik oqytýǵa jiberilgen. Onyń ishinde 25-si aspaz, 85 adam tiginshi mamandyǵyna jeke kásipker ENES GRÝP oqý ortalyǵynda oqýda.
Aıta keteıik, aǵymdaǵy jyly Jambyl aýdanynda tiginshi mamandyǵyna oqytýǵa basymdyq berilýde. Basty sebep, 3 iri sehtan suranystan usynys túsip, suranystyń artýy.
Aýdanda jappaı kásipkerlikti damytý negizderinede kóp kóńil bólingen. Sonyń arqasynda 173 turǵyndy qamtý maqsatynda 105 mln 980 myń teńge qarjy qarastyrylǵan. Osy ýaqyt aralyǵynda «Bastaý bıznes» arqyly 25 azamat memlekettik garnt ıegeri atandy, olarǵa jalpy somasy 30 mln 630 myń teńge qarjy ıgerildi. Memlekettik garnt ıegerleriniń 21-i mal sharýashylǵy salasynda tabysyn eseleýdi kózdese, 4-eýi qyzmet kórsetý baǵytynda óz isterin ashqan jaıy bar.
Al qalǵan 143 adam ESQ arqyly, Eńbek portalyna tirkelip, óziniń grant úmitkerleriniń sanatyna jatatynyn teksere otyryp, oqýǵa ótinish bildirýi tıis. Oqýdy aıaqtaǵan jaǵdaıda ǵana memlekettik grantqa úmitker bola alady.
Bıznesti janyna serik etkisi keletinder den bólek, joba aıasynda qoǵamdyq jumystarǵa 785 azamat jiberiledi dep josparlanǵan. Bul maqsatqa qazynadan 496 mln 419 myń teńge berildi. Búginde 759 adam qoǵamdyq jumysqa tartylǵan.
Sondaı-aq áleýmettik jumys oryndaryna 90 azamat jiberilgen. Al jastar tájirıbesi boıynsha 65 azamat jumysqa turǵan, negizgi jospar 75 adamdy qamtý, bul úshin 34 mln 918 myń teńge berilgen edi.
Dıplomyn endi qolyna alǵan jastar úshin taptyrmas baǵyttyń biri – «Alǵashqy jumys oryndary». Munda 14 azamatty jumysqa turǵyzý kózdelgen. Nysanaǵa alynǵan adamdardyń 9-y baǵdarlamanyń shapaǵatyn kórip otyr.
Aýdanda tek jalyndy jastardyń jumyspen qamtylýyna jaǵdaı jasalyp qoımaı, zeınetaldy jastaǵy kisilergede óz nanyn tabýǵa múmkindik qarastyrylǵan. Qarttyq shaqqa jetken úlkenderge arnaıy jasaqtalǵan joba – «Kúmis jas». Dál osy jobanyń aıasynda Jambyl aýdanynyń 52 turǵyny jumysqa turǵan. Negizgi meje 100 adamdy eńbekke tartý, ol úshin qazynadan 51 mln 042 myń bólingen bolatyn.
Jalpy alǵanda Jambyl aýdanynda jumyspen qamtý deńgeıi aıtarlyqtaı kórsetkishke ıe. Óıtkeni aýdanda 2022 jyly 2524 jumys orny qurylyp, 1367 turaqty jumys orny ashyldy. Sonymen qatar, Jambyl aýdanynyń halyqty jumys pen qamtý ortalyǵynyń belsendi sharalarynyń arqasynda josparda bolǵan 4229 adamnyń 2586-sy qatysyp, 959 azamat turaqty jumyspen qamtyldy.
