جالپى ۇلتتىق جوبا جاڭا جۇمىس ورىندارىن قۇرۋ، حالىقتى تۇراقتى جۇمىسقا ورنالاستىرۋ، قىسقا مەرزىمدى كاسىپتىك وقىتۋ، مەملەكەتتىك گارنتتار مەن جاستار تاجىريبەسى، العاشقى جۇمىس ورنى، «كۇمىس جاس» جوباسى، سونىمەن قاتار ۇرپاقتار كەلىسىم شارتى، الەۋمەتتىك جۇمىس ورىندارى مەن قوعامدىق جۇمىستار اتتى نەگىزگى 11 باعىتتان تۇرادى.
ءدال وسى باعدارلامانىڭ ءبىرىنشى باعىتى، قىسقا مەرزىمدى كاسىپتىك وقىتۋ بويىنشا جامبىل اۋدانىندا اعىمداعى جىلى 130 مىڭ ازاماتقا 35 ملن 956 مىڭ قارجى بولىنگەن. قازىرگى تاڭدا ولاردىڭ 110-ى قىسقا مەرزىمدىك كاسىپتىك وقىتۋعا جىبەرىلگەن. ونىڭ ىشىندە 25ء-سى اسپاز، 85 ادام تىگىنشى ماماندىعىنا جەكە كاسىپكەر ەنەس گرۋپ وقۋ ورتالىعىندا وقۋدا.
ايتا كەتەيىك، اعىمداعى جىلى جامبىل اۋدانىندا تىگىنشى ماماندىعىنا وقىتۋعا باسىمدىق بەرىلۋدە. باستى سەبەپ، 3 ءىرى سەحتان سۇرانىستان ۇسىنىس ءتۇسىپ، سۇرانىستىڭ ارتۋى.
اۋداندا جاپپاي كاسىپكەرلىكتى دامىتۋ نەگىزدەرىنەدە كوپ كوڭىل بولىنگەن. سونىڭ ارقاسىندا 173 تۇرعىندى قامتۋ ماقساتىندا 105 ملن 980 مىڭ تەڭگە قارجى قاراستىرىلعان. وسى ۋاقىت ارالىعىندا «باستاۋ بيزنەس» ارقىلى 25 ازامات مەملەكەتتىك گارنت يەگەرى اتاندى، ولارعا جالپى سوماسى 30 ملن 630 مىڭ تەڭگە قارجى يگەرىلدى. مەملەكەتتىك گارنت يەگەرلەرىنىڭ 21ء-ى مال شارۋاشىلعى سالاسىندا تابىسىن ەسەلەۋدى كوزدەسە، 4-ەۋى قىزمەت كورسەتۋ باعىتىندا ءوز ىستەرىن اشقان جايى بار.
ال قالعان 143 ادام ەسق ارقىلى، ەڭبەك پورتالىنا تىركەلىپ، ءوزىنىڭ گرانت ۇمىتكەرلەرىنىڭ ساناتىنا جاتاتىنىن تەكسەرە وتىرىپ، وقۋعا ءوتىنىش ءبىلدىرۋى ءتيىس. وقۋدى اياقتاعان جاعدايدا عانا مەملەكەتتىك گرانتقا ۇمىتكەر بولا الادى.
بيزنەستى جانىنا سەرىك ەتكىسى كەلەتىندەر دەن بولەك، جوبا اياسىندا قوعامدىق جۇمىستارعا 785 ازامات جىبەرىلەدى دەپ جوسپارلانعان. بۇل ماقساتقا قازىنادان 496 ملن 419 مىڭ تەڭگە بەرىلدى. بۇگىندە 759 ادام قوعامدىق جۇمىسقا تارتىلعان.
سونداي-اق الەۋمەتتىك جۇمىس ورىندارىنا 90 ازامات جىبەرىلگەن. ال جاستار تاجىريبەسى بويىنشا 65 ازامات جۇمىسقا تۇرعان، نەگىزگى جوسپار 75 ادامدى قامتۋ، بۇل ءۇشىن 34 ملن 918 مىڭ تەڭگە بەرىلگەن ەدى.
ديپلومىن ەندى قولىنا العان جاستار ءۇشىن تاپتىرماس باعىتتىڭ ءبىرى – «العاشقى جۇمىس ورىندارى». مۇندا 14 ازاماتتى جۇمىسقا تۇرعىزۋ كوزدەلگەن. نىساناعا الىنعان ادامداردىڭ 9-ى باعدارلامانىڭ شاپاعاتىن كورىپ وتىر.
اۋداندا تەك جالىندى جاستاردىڭ جۇمىسپەن قامتىلۋىنا جاعداي جاسالىپ قويماي، زەينەتالدى جاستاعى كىسىلەرگەدە ءوز نانىن تابۋعا مۇمكىندىك قاراستىرىلعان. قارتتىق شاققا جەتكەن ۇلكەندەرگە ارنايى جاساقتالعان جوبا – «كۇمىس جاس». ءدال وسى جوبانىڭ اياسىندا جامبىل اۋدانىنىڭ 52 تۇرعىنى جۇمىسقا تۇرعان. نەگىزگى مەجە 100 ادامدى ەڭبەككە تارتۋ، ول ءۇشىن قازىنادان 51 ملن 042 مىڭ بولىنگەن بولاتىن.
جالپى العاندا جامبىل اۋدانىندا جۇمىسپەن قامتۋ دەڭگەيى ايتارلىقتاي كورسەتكىشكە يە. ويتكەنى اۋداندا 2022 جىلى 2524 جۇمىس ورنى قۇرىلىپ، 1367 تۇراقتى جۇمىس ورنى اشىلدى. سونىمەن قاتار، جامبىل اۋدانىنىڭ حالىقتى جۇمىس پەن قامتۋ ورتالىعىنىڭ بەلسەندى شارالارىنىڭ ارقاسىندا جوسپاردا بولعان 4229 ادامنىڭ 2586-سى قاتىسىپ، 959 ازامات تۇراقتى جۇمىسپەن قامتىلدى.
