Jamby atýdan ulttyq quramamyz 5-shi Dúniejúzilik kóshpendiler oiyndarynda el namysyn qorǵaityn úzdik tórttikti anyqtady. Elimizdiń eń úzdik 10 jamby atýshysy kóshpendiler oiyndaryna tikelei joldama beretin 3 oryndy sarapqa salyp, irikteý oiyndaryna qatysty, – dep habarlaidy Dalanews.kz QR Ulttyq sport qaýymdastyǵynyń baspasóz qyzmetine silteme jasap.
Mergenderimiz «majar», «aziia», «túrki», «jamby» stilderi boiynsha baq synady. Jalpy esepti qorytyndylai kele, 1-oryndy Aitbek Sarybai, 2-oryn Abzal Tulybekov, al sońǵy joldamany Eralhan Aikóz utyp aldy. Aita keteiik, álem chempiony Batyr Beksaýyt kóshpendiler oiyndaryna tikelei joldama alǵan edi.
«Irikteý saiystary óte tartysty ótti. Al endi biz aldaǵy 5-shi Dúniejúzilik oiyndarynda altyn alý úshin barymyzdy salamyz. El namysyn abyroimen qorǵaýǵa ýáde beremin», - dedi jamby atýdan ulttyq qurama sportshysy Eralhan Aikóz.
Osylaisha jamby atýdan 5-shi Dúniejúzilik kóshpendiler oiyndaryna qatysatyn Qazaqstan ulttyq quramasy:
- Eralhan Aikóz - 1998 jyly 5 maýsynda Túrkistan oblysy, Tóle bi aýdany, Maibulaq aýylynda dúniege kelgen. 2021 j. Tegerandaǵy XVI álem chempionatynyń jeńimpazy jáne kúmis júldegeri;
- Batyr Beksaýyt - 2001 jyldyń 8 tamyzynda Túrkistan oblysy, Tóle bi aýdany, Maibulaq aýylynda dúniege kelgen. 2021 jyly Jastar arasyndaǵy QR chempionatynda 1-oryn, Shymkentte ótken Aziia chempionatynyń altyn jáne qola júldegeri, Qytaida ótken álem chempionatynyń altyn jáne qola júldegeri;
- Aitbek Sarybai – 1998 jyly 30 qańtarda, Túrkistan oblysy, Tóle bi aýdany, Maibulaq aýylynda dúniege kelgen. 2019 j. Ońtústik Koreiada ótken XV álem chempionatynyń jeńimpazy jáne qola júldegeri, Qytaida ótken álem chempionatynyń kúmis júldegeri;
- Abzal Tulybekov – 1996 jyly 31 qazanda Almaty oblysynda dúniege kelgen. 2018 jyly jamby atýdan álem chempionatynyń jeńimpazy.
Qazirgi ýaqytta sportshylarymyz 6 tamyz kúni Alataý bókterinde bastalǵan oqý-jattyǵý jiynynda. Jattyǵý 18 tamyzǵa deiin jalǵasady. Oqý-jattyǵý jiyndaryn QR Týrizm jáne sport ministrliginiń Ulttyq jáne at sporty túrleri ortalyǵy uiymdastyryp otyr.
«Daiyndyǵymyz óte joǵary deńgeide. 70-80 paiyz daiynbyz dep aita alamyn. Áli jumys isteý kerek tustarymyz bar. Kóshpendiler oiyndaryna 4 sportshymyz joldama aldy. Olarmen ary qarai daiyndyqty qyzdyra túsemiz. 5-shi Dúniejúzilik kóshpendiler oiyndary ulttyq sport úshin Olimpiada dep aitsaq ta bolatyn shyǵar», - dep atap ótti jamby atýdan ulttyq quramanyń bas bapkeri Eldos Badashev.
Al, 5-shi dúniejúzilik kóshpendiler oiyndary aldyndaǵy qorytyndy oqý-jattyǵý jiyny 27 tamyz ben 7 qyrkúiek aralyǵynda Astanada ótedi.
Eske sala keteiik, Respýblikalyq «Jamby atý» federatsiiasy Qazaqstan Respýblikasy Ulttyq sport qaýymdastyǵynyń quramyna kiredi. Qaýymdastyq quramynda budan ózge «Aýdaryspaq», «Kókpar», «Teńge ilý», «Sadaq atý», «Báige», «Qusbegilik», «Asyq atý», «JORYQ» at sporty jáne t.b. federatsiialar bar. QR Ulttyq sport qaýymdastyǵyn Islambek Saljanov basqarady.
Aita keterligi, 8-13 qyrkúiekte Astana qalasynda 5-shi Dúniejúzilik kóshpendiler oiyndary ótedi. Is-sharaǵa 89 elden 2000-nan astam sportshy qatysady dep josparlanýda. 5-shi Dúniejúzilik kóshpendiler oiyndarynyń Bas demeýshisi - ALAGEUM ELECTRIC, Oiyndardyń Bas seriktesi - Halyk Bank. Astanada ótetin Dúniejúzilik kóshpendiler oiyndarynda barlyǵy 21 sport túrinen 97 medal jiyntyǵy sarapqa salynady.
