Jalpyhalyqtyq diktant Arysta qoldaý tapty
Osyndai tarihi sátte Arys qalasynyń memlekettik jáne memlekettik qyzmet usynatyn uiymdardyń qyzmetkerleri, sondai-aq, joǵarǵy synyp oqýshylary men stýdentter diktant jazýǵa belsendi qatysty.
Diktant jazýdyń aldynda Arys qalasynyń «Mádeniet jáne tilderdi damytý bólimi» memlekettik mekemesi «Tilderdi oqytý jáne damytý ortalyǵy» kommýnaldyq memlekettik mekemesiniń oqytýshylary túsindirme jumystaryn júrgizip ótti. 15 minýt buryn tyńdaýshylardy latynnegizdi qazaq álipbiimen, ásirese, tól dybystardyń jazylýymen tanystyryp, olarǵa jańa álipbi, arnaiy jazý paraqtaryn taratty. Qoiylǵan suraqtarǵa jaýap berip, tiisti ádistemelik kómek kórsetildi.
Bekitilgen diktant mátini emle.kz saitynyń basty betinde ornalasqan silteme boiynsha belgilengen ýaqytta aýdiojazba arqyly oqyldy. Tyńdaýshylar diktant jazý barysynda latynnegizdi qazaq tili álipbiin meńgerý deńgeiin kórsetip, tilge degen qyzyǵýshylyqtaryn arttyra tústi.
Arys qalasy ákiminiń baspasóz qyzmeti
