Qostanai oblysynyń prokýratýrasy aimaq aýmaǵynda jeke tulǵalardyń jumysqa ornalasý, memlekettik qyzmetterdi alý jáne jeńildikterdi resimdeý kezinde jalǵan qujattardy daiyndaýy men paidalanýynyń 36 faktisiniń tirkelgenin málimdedi, dep habarlaidy Dalanews.kz.
Biyl tamyz aiynda shekara qyzmetiniń qyzmetkerleri kólik quralyn tirkeý týraly kýálikke engizilgen gaz jabdyǵyn ornatý týraly jalǵan belgisi bar avtomobildi paidalanǵan júrgizýshini anyqtady.
Sot kinálige 10 AEK (39 320 teńge) mólsherinde aiyppul túrinde jaza taǵaiyndady.
Basqa jaǵdaida, jalǵan júrgizýshi kýálikterin paidalanǵany úshin eki adam qylmystyq jaýaptylyqqa tartyldy, olarǵa 20 AEK (78 640 teńge) mólsherinde aiyppul taǵaiyndaldy.
Osy jyldyń qarasha aiynda oblys prokýratýrasy jalǵan veterinariialyq anyqtamalardy daiyndaǵan jáne paidalanǵan óńir turǵynyna qatysty qylmystyq is jiberdi.
Sonymen qatar, jalǵan joǵary bilim týraly diplomnyń negizinde jalaqyǵa ústemeaqyny zańsyz alý faktisi anyqtaldy.
Qazaqstan Respýblikasy Qylmystyq kodeksiniń 385-babyna sáikes qujattardy qoldan jasaǵany úshin 2 000 AEK-ke deiin aiyppul, túzeý ne qoǵamdyq jumystar, eki jylǵa deiingi merzimge shekteý ne bas bostandyǵynan aiyrý túrindegi jaýaptylyqqa kózdelgen.
Aldyn ala sóz bailasý arqyly birneshe ret nemese adamdar toby jasaǵan dál osyndai áreketter qatań jazaǵa ákeledi - tórt jylǵa deiin bas bostandyǵynan aiyrýǵa deiin.
Kórineý jalǵan qujatty paidalaný 160 AEK - kedeiin aiyppul salýǵa, túzeý ne qoǵamdyq jumystarǵa, al jekelegen jaǵdailarda - 40 táýlikke deiin qamaýǵa alýǵa ákep soǵady.
Oblys prokýratýrasy azamattarǵa qujattardy tek ýákiletti memlekettik organdardan alýǵa, jalǵan anyqtamalardy, diplomdar men kýálikterdi paidalanbaýǵa, sondai-aq jumysqa ornalasý jáne mámileler jasasý kezinde usynylatyn qujattardyń túpnusqalyǵyn tekserýge keńes beredi.
