Májilis depýtaty Aidos Sarym jalǵan koýchtar men rýhani alaiaqtar qoǵam úshin qaýipti qubylysqa ainalǵanyn málimdedi
Ol mádeniet jáne aqparat ministri Aida Balaevaǵa depýtattyq saýal joldady.
"Keiingi ýaqytta elimizde keńinen taralyp ketken san alýan ezoterikalyq, psevdospihologiialyq jalǵan ilimder men sektalardyń ásire belsendiligi qatty alańdatyp otyr. Ózderine jalǵan diplom jasatyp, ataǵy jer jaratyn "akademiialardyń", álemdik "uiymdardyń" atynan sóz sóilep júrgen baqsy-qushnashtyń, trener-koýchterdiń sharalarynyń sany kún sanap artyp keledi", - dedi ol.
Depýtattyń sózinshe, mundailardyń jarnamasy da jer jarady.
"Qai bir saitty, áleýmettik jelini ashyp qalsań boldy, álemniń barsha qupiiasyn meńgergen, adamnyń jan dúniesiniń búkilkiltin beline bailaǵan mamansymaqtar kópshilikpen kezdesýler, kýrstar, seminarlar ótkizip jatady. Ókinishtisi, muny jekelegen adamdardyń óz tańdaýy, jeke quqyǵy dep te aita almaimyz. Rýhani alaiaqtar memleketettik mekemelerge, kvazimemlekettik sektordaǵy uiymdarǵa deiin jetip, memlekettik, qoǵamdyq problemaǵa ainalǵanyn baiqap otyrmyz", - dedi Sarym.
Aidos Sarym sońǵy kezderi elimizde "Siýtsai" dep atalatyn kýrstar qaýlap tarap jatqanyn jetkizdi.
"Bul baǵyt ózin "adamnyń ishki áleýetin ashatyn sandyq psihologiia" dep tanystyrǵanymen, is júzinde ǵylymi negizi joq, ezoterikalyq jáne dini sipattaǵy kommertsiialyq jobaǵa ainalyp otyr. Búginde "Siýtsai" ataýyn jamylǵan toptar jabyq formattaǵy sharalar ótkizip,óz ýaǵyzdaryn keńinen taratyp júr. Olardyń basym bóligi – litsenziiasyz, sertifikatsyz, tirkelmegen tulǵalar.
Jalǵan ilimniń basty maqsaty – azamattardy "rýhani damý" uranymen ilandyryp, sandar men simvoldarǵa súiengen psevdoteoriia arqyly materialdyq paida tabý. Kóptegen adam, ásirese, áielder men jastar, qarjylai shyǵynǵa ushyrap, psihologiialyq táýeldilikke túsip jatyr, al keibiri otbasylyq jáne áleýmettik kúizeliske tap bolyp otyr", - dedi ol.
