Tanymal kinoprodiýser, akter Nurlan Qoianbaev biýdjetten kóp qarjy bólinse de eshqandai nátije kórsetpeitin hokkeishiler men velosportshylar týraly aitty, - dep habarlaidy Dalanews.kz Qaz365.kz-ke siltep.
Bul týraly ol áleýmettik jelide jazdy.
"Barys" neshe jyl biýdjetten aqsha alyp jatyr? Nege jýrnalister osyǵan mán bermeisizder? Qurama nátije kórsetpeidi! Kórshi eldiń chempionatynda sońǵy orynda júr. Milliardtaǵan aqsha aitysqa nemese kókparǵa bólinsin! Qazaqstanda biýdjetten eń kóp aqsha alatyn komanda, úide 1-10 bolyp utylyp jatyr", - dep jazdy Nurlan Qoianbaev.
Ol "Astana" velokomandasynyń quramy týraly da jazdy.
"Astana velokomandasy da júr jyl saiyn biýdjetten aqsha alyp. Aralarynda bir qazaq joq, nátije de joq. Qurmetti jýrnalister osylarǵa mán bereiikshi", - dep jazdy ol.
Aita keteiik,"Barys" hokkei klýbynyń jańa maýsymdaǵy oiynshylaryna joǵary jalaqy beriledi. Reseilik "Sport Ekspress" basylymynyń jazýynsha, eń joǵary jalaqy kanadalyq Ýill Býtcher men Maikl Maklaýdqa tiesili.
Kanadalyq qos oiynshy "Barystyń" qaltasyn qaǵatyn eń qymbat hokkeishiler. Olarǵa 60 million rýbl, bizdiń aqshamen 314, 9 million teńge jalaqy tólenedi. Damir Jafiarov pen Anton Býrdasov 50 jáne 40 million rýbl (262,4 jáne 209,9 mln teńge) alady.
Legionerlerdi esepke almaǵanda, qazaqstandyqtardan eń joǵary Kirill Savitskiige tiesili. Ol 125,9 million teńgeni sanap alyp otyr. Odan keiin 110,2 million teńge jalaqymen Roman Starchenko tur. Al úzdik úshtikti Kirill Paniýkov aiaqtady. Onyń jalaqysy 104,9 million teńge. Eń jalaqysy tómen – Batyrlan Muratov. Ol 6 million rýbl (31,4 mln teńge) alady.
Eske salaiyq, buǵan deiin senimdi derekkózge súiengen DALA INSIDE Olimpiadadan keiin jappai "kadrlyq tazalaý" bastalatynyn habarlaǵan edi.
Parij olimpiadasy aiaqtalǵasyn sportqa jaýapty memlekettik mekemelerde tiisti aýdit júrgiziletinin aitqanbyz. Referendým bite sala Sol jaǵalaý osy iske bilek túre kirisken syńaily. Maily quiryǵy kresloǵa jelimdelip qalǵan sport fýnktsionerleri jyly ornymen jylap-syqtap qoshtasyp jatqany jaiy bar.
Kúni keshe Boris Ivanishev qyzmetten qýyldy. Bókeń elimizdegi hákkei súierge qaýymǵa óte jaqsy tanys. Biýdjettiń moinyna minip alǵan, biraq nátijesi kóńil kónshitpeitin "Barystyń" bas direktory.
Parijdegi fiaskoǵa tikelei jaýapty Týrizm jáne sport ministri Ermek Myrjaqpaevtyń uzaqqa barmasyn oqyrman aldymen DALA INSIDE-tan estigen edi.
Bizge jetken málimet boiynsha Sol jaǵalaý onyń ornyn basqan Erbol Myrzabosynovqa tolyq kart-blansh bergen. Sý jańa ministr sport salasyn asty-ústine shyǵaryp, tolyq tazalaý júrgizýge tas-túiin daiyn otyr.
Ilgeridegi Boria, Boris Ivanishevtyń qyzmetinen qýylýy endi-endi kóterilip kele jatqan daýyldyń basy ǵana.
"Aldaǵy ýaqytta biýdjettiń aqshasyn emip, talai jyl boiy bir orynda tapjylmai otyrǵan sport menedjerleri jappai "taǵynan taiady", - deidi osy tusta DALA INSIDE derekkózi.
"Barys" demekshi, osynaý hákkei klýbynyń eki tizgin, bir shylbyryn eski Qazaqstannyń beldi ókili - Asqar Mámin ustap otyrǵanyn bilesizder.
Bizdiń boljaýymyzsha aýys-túiistiń aldy "Barystan" bastalýy beker emes. Demek, jaqyn kúnderi myzǵymastai kóringen Máminge qatysty saýaldar týyndaýy múmkin.
Barys? Klýbty shyn máninde siz ben biz "asyrap" otyrmyz. Byltyr osy klýbqa el qazynasynan 8,5 mlrd teńge (!) bólingen. Al, nátije nól. "Barys" biyldyqqa 14 oiyn ótkizip, sonyń 12-sinde oisyrai utylǵan.
Tolyq kart-blansh berilgen sý jańa ministr klýbtyń kórsetkishteri úshin eki adam jaýapty ekenin biletin sekildi. Munyń biri - 2006 jyldan beri "Barysty" basqaryp kelgen ilgeridegi Boris Ivanishev pen hokkei federatsiiasynyń basshysy - Asqar Mámin.
Shyny kerek, buǵan deiingi eshbir ministrdiń Ivanishev-Mámin tandemine tisi batpaǵan. Bizge jetken málimet boiynsha Myrzabosynov tek bul ekeýimen shektelmeidi. As iship, aiaq bosatýdan ózgeni bilmeitin basqa da federatsiia basshylary men sport menedjerlerinen sońǵy kúnderi maza ketken.
