Kásipker Muhtar Jákishev "Kárim Másimovtiń Astanadaǵy záýlim úiin satyp aldy" degen aqparatqa qatysty pikir bildirdi, dep habarlaidy Dalanews.kz.
Jákishev Másimovtiń úiin satyp alatyny týraly jáne qyzdaryna Dýbaidan páter alyp bergeni týraly aqparat jalǵan ekenin jetkizdi.
"Birinshiden, eger men Almatyda tursam, Astanadan ne úshin páter satyp alamyn? Astanaǵa kóshetin oiym da joq. Ekinshiden, alty qyzymnyń qaisyna Arab Ámirlikterinen úi satyp alyppyn? Nege alty qyzyma satyp almaǵanmyn? Oǵan aqsham jetpeidi. Onyń ústine páter satyp alý oiyma da kelgen joq", deidi Jákishev.
Eske salaiyq, buǵan deiin BAQ pen áleýmettik jelilerde tanymal qazaqstandyq kásipker Muhtar Jákishev UQK burynǵy basshysy Kárim Másimovtiń kottedjin satyp alǵany týraly aqparat tarady. Másimovtiń quny bir mlrd turatyn úii buǵan deiin birneshe ret aýktsionǵa shyǵyp, ótpei qalǵan edi.
Qaitarylǵan aktivterdi basqarý kompaniiasynyń pikiri
Qaitarylǵan aktivterdi basqarý kompaniiasy da bul aqparatty joqqa shyǵardy. Kompaniia barlyq aktiv tek E-Qazyna memlekettik portaly arqyly jáne qatań erejeler boiynsha satylatynyn málimdedi.
Másimovtiń úii týraly ne belgili?
Kárim Másimovtiń záýlim saraiyn Qaitarylǵan aktivterdi basqarý kompaniiasy birneshe ret aýktsionǵa shyǵarǵan edi. Quny - 1,9 mlrd teńge. Úi Astana qalasy Nura aýdanynyń Ereimentaý -1 mekenjaiynda ornalasqan.
Úidiń jalpy aýdany – 2877,7 sharshy metr. Turǵyn úimen qosa, jihaz, elektron tehnika, óner týyndylary men kádesyilar da satylymǵa qoiyldy.
