Aita ketelik 3 naýryz kúni Semeide «Qazatomónerkásip» kompaniiasynyń burynǵy basshysy Muhtar Jákishevtiń isine qatysty soty otyrysy ótti.
Sot otyrysynda Jákishev bolmady, ol túrmeden videobailanysqa shyqty.
– Bul – shartty túrde merziminen buryn bosatýǵa berilgen ótinish boiynsha qaralyp jatqan úshinshi sot isi. Bul sheshimdi qarastyryp jatqan sot biliktiń mańyzdy tarmaǵy jáne qoǵamnyń ókili dep sanaimyn... Meni qoldaýǵa kelgen kóp adamdardy kórip turmyn. Osy adamdarǵa jáne elimniń jalpy qoldaýyna súiene otyryp, siz óz suraqtaryńyzǵa (sottalýshynyń qaýiptiligi týraly – red.) jaýap ala alasyz dep oilaimyn, – degen edi.
«Meniń Qazaqstan azamaty retindegi basty ótinishim – Qazaqstan Respýblikasynda qabyldanǵan zańdar maǵan qoldanylsa deimin», – degen edi Muhtar Jákishev.
Búginde Muhtar Jákishevti qoldaýshylar túzeý mekemesiniń aldyna jinalyp, onyń bostandyqqa shyqqanyn kútti.
Muhtar Jákishev bostandyqqa shyqqan betinde jinalǵan qoldaýshylarmen az ǵana ýaqytqa kezdesip, ózine qoldaý kórsetkenine alǵys bildirdi.
