Prezident Qasym-Jomart Toqaev jahandaný úderisi óziniń bastapqy mánin joǵaltyp, álemdik saiasatta jańa úrdisterdiń aldyńǵy orynǵa shyqqanyn málimdedi, dep habarlaidy Dalanews.kz.
Onyń aitýynsha, búginde ulttyq múddeni qorǵaý, yqpal etý aimaqtaryn bóliske salý jáne aimaqtyq saiasattyń kúsheiýi basty baǵytqa ainalǵan,
"Jahandaný úderisiniń mán-mańyzy joǵalyp barady. Memlekettik ultshyldyq, yqpal júrgizetin aýmaqtardy bóliske salý, álemdik saiasatta aimaqtarǵa bóliný úrdisi aldyńǵy qatarǵa shyqty.
Demokratiialyq moraldyq delinip júrgen qundylyqtar, onyń ishinde LGBT kóptegen elge ondaǵan jyl boiy kúshpen tańylyp, sonyń jeleýimen halyqaralyq úkimettik emes uiymdar men qorlar arqyly memleketterdiń ishki isine ashyq aralasý beleń aldy. Onyń túpki maqsaty bar bolǵany urlyq, iaǵni san milliardtyq biýdjetti qaltaǵa basý eken.
"Damý men demokratiia", "adam quqyqtary", "baspasóz bostandyǵy", "sybailas jemqorlyqqa qarsy kúres" dep urandatyp júrgenderdiń báriniń derlik jeke bailyǵy jalaqysynyń mólsherine esh sai kelmeidi. Sondyqtan Prezident Tramp bastaǵan Amerika ákimshiliginiń jappai qyzmet babyn asyra paidalanýǵa qatysty oqiǵalardy anyqtaýǵa jáne "tuńǵiyq memleket» uǵymyna tán saiasi ekijúzdilikti áshkereleýge, dástúrli moraldyq qundylyqtardy qalpyna keltirýge baǵyttalǵan jumystary qoldaýǵa laiyq.
AQSh-ta jasalyp jatqan sharýanyń bári búkil álemge tikelei áser etetini barshaǵa málim", – dedi Prezident.
