Asa iri kólemde alaiaqtyq jasady dep aiyptalǵan burynǵy sýdia Qarlyǵash Tátkeevanyń Resei azamattyǵy bar bolýy múmkin degen aqparat tarady, dep habarlaidy dalanews.kz.
Bul málimet alǵash ret 2025 jyldyń qyrkúieginde jariialanǵan. Rupep jobasyna silteme jasaǵan derekkózder Tátkeevanyń esimi Resei qujattaryna qatysty málimetter arasynan tabylǵanyn habarlaǵan.
"Taratylǵan málimetterge sáikes, fotosýrettegi arnaiy belgiler onyń Resei tólqujaty bolýy múmkin ekenin kórsetedi”, – delingen jariialanymda.
Alaida atalǵan aqparatty Qazaqstannyń memlekettik organdary ázirge resmi túrde rastaǵan da, joqqa shyǵarǵan da joq. Sondyqtan Resei azamattyǵy týraly málimet ázirge tekserýdi qajet etetin boljam retinde qarastyrylady.
Aita keteiik, Qarlyǵash Tátkeeva 2025 jyldyń 20 maýsymynan beri izdeýde júr. Ol asa iri kólemdegi alaiaqtyq jasady degen kúdikke ilingen. Buǵan deiin Sybailas jemqorlyqqa qarsy qyzmettiń resmi ókili Daniiar Begaidarov onyń izdeýde júrgenin rastaǵan bolatyn.
Tátkeeva uzaq jyldar sot júiesinde eńbek etken. Ol Qaraǵandy oblysyndaǵy mamandandyrylǵan ekonomikalyq sotta sýdia bolyp qyzmet atqaryp, keiin Astanada jumys istegen. Sondai-aq Joǵarǵy sot tóraǵasynyń azamattyq ister jónindegi keńesshisi laýazymyn atqarǵan.
Basylymnyń aitýynsha, Resei azamattyǵy týraly aqparat rastalsa, eń basty suraq onyń qashan alynǵanynda bolyp otyr.
"Eger Karlyǵash Tátkeevanyń Resei tólqujaty bary anyqtalsa, onda ol sýdialyq qyzmetke deiin alyndy ma, qyzmet barysynda rásimdeldi me, álde qylmystyq is qozǵalǵannan keiin ǵana alyndy ma degen suraqtarǵa jaýap berýi qajet", – dep jazady basylym.
Qazaqstan zańnamasy qos azamattyqqa tyiym salady. Al sýdia qyzmetine tek Qazaqstan azamattary ǵana taǵaiyndala alady. Osyǵan bailanysty sarapshylar sýdialardy irikteý jáne arnaiy tekserý júiesiniń tiimdiligine qatysty máselelerdiń de kóterilýi múmkin ekenin aitady.
