اسا ٸرٸ كٶلەمدە الاياقتىق جاسادى دەپ ايىپتالعان بۇرىنعى سۋديا قارلىعاش تەتكەەۆانىڭ رەسەي ازاماتتىعى بار بولۋى مٷمكٸن دەگەن اقپارات تارادى, دەپ حابارلايدى dalanews.kz.
بۇل مەلٸمەت العاش رەت 2025 جىلدىڭ قىركٷيەگٸندە جارييالانعان. Rupep جوباسىنا سٸلتەمە جاساعان دەرەككٶزدەر تەتكەەۆانىڭ ەسٸمٸ رەسەي قۇجاتتارىنا قاتىستى مەلٸمەتتەر اراسىنان تابىلعانىن حابارلاعان.
"تاراتىلعان مەلٸمەتتەرگە سەيكەس, فوتوسۋرەتتەگٸ ارنايى بەلگٸلەر ونىڭ رەسەي تٶلقۇجاتى بولۋى مٷمكٸن ەكەنٸن كٶرسەتەدٸ”, – دەلٸنگەن جارييالانىمدا.
الايدا اتالعان اقپاراتتى قازاقستاننىڭ مەملەكەتتٸك ورگاندارى ەزٸرگە رەسمي تٷردە راستاعان دا, جوققا شىعارعان دا جوق. سوندىقتان رەسەي ازاماتتىعى تۋرالى مەلٸمەت ەزٸرگە تەكسەرۋدٸ قاجەت ەتەتٸن بولجام رەتٸندە قاراستىرىلادى.
ايتا كەتەيٸك, قارلىعاش تەتكەەۆا 2025 جىلدىڭ 20 ماۋسىمىنان بەرٸ ٸزدەۋدە جٷر. ول اسا ٸرٸ كٶلەمدەگٸ الاياقتىق جاسادى دەگەن كٷدٸككە ٸلٸنگەن. بۇعان دەيٸن سىبايلاس جەمقورلىققا قارسى قىزمەتتٸڭ رەسمي ٶكٸلٸ دانييار بەگايداروۆ ونىڭ ٸزدەۋدە جٷرگەنٸن راستاعان بولاتىن.
تەتكەەۆا ۇزاق جىلدار سوت جٷيەسٸندە ەڭبەك ەتكەن. ول قاراعاندى وبلىسىنداعى مامانداندىرىلعان ەكونوميكالىق سوتتا سۋديا بولىپ قىزمەت اتقارىپ, كەيٸن استانادا جۇمىس ٸستەگەن. سونداي-اق جوعارعى سوت تٶراعاسىنىڭ ازاماتتىق ٸستەر جٶنٸندەگٸ كەڭەسشٸسٸ لاۋازىمىن اتقارعان.
باسىلىمنىڭ ايتۋىنشا, رەسەي ازاماتتىعى تۋرالى اقپارات راستالسا, ەڭ باستى سۇراق ونىڭ قاشان الىنعانىندا بولىپ وتىر.
"ەگەر كارلىعاش تەتكەەۆانىڭ رەسەي تٶلقۇجاتى بارى انىقتالسا, وندا ول سۋديالىق قىزمەتكە دەيٸن الىندى ما, قىزمەت بارىسىندا رەسٸمدەلدٸ مە, ەلدە قىلمىستىق ٸس قوزعالعاننان كەيٸن عانا الىندى ما دەگەن سۇراقتارعا جاۋاپ بەرۋٸ قاجەت", – دەپ جازادى باسىلىم.
قازاقستان زاڭناماسى قوس ازاماتتىققا تىيىم سالادى. ال سۋديا قىزمەتٸنە تەك قازاقستان ازاماتتارى عانا تاعايىندالا الادى. وسىعان بايلانىستى ساراپشىلار سۋديالاردى ٸرٸكتەۋ جەنە ارنايى تەكسەرۋ جٷيەسٸنٸڭ تيٸمدٸلٸگٸنە قاتىستى مەسەلەلەردٸڭ دە كٶتەرٸلۋٸ مٷمكٸن ەكەنٸن ايتادى.
