– Memleket basshysynyń tapsyrmasy boiynsha barlyq óńirde IT ortalyǵyn ashý jobasy qolǵa alynǵanyn barshańyz jaqsy bilesizder. 6 myń IT synyp ashý josparlanǵan bolsa búginge deiin 1 myń osyndai ortalyq ashylyp, jumysyn júrgizip keledi. Bul ortalyqty ashýdaǵy maqsat – Elbasy usynǵan «Tsifrlyq Qazaqstan» – tsifrlyq tehnologiiany tereń meńgerý. Elimizdi damyǵan 30 eldiń qataryna qosý úshin qolǵa alynǵan osynaý baǵdarlama qoǵamnan jańa innovatsiialyq damýdy jáne jedel tehnologiialyq jańǵyrýdy talap etedi. Ol úshin azamattardyń IT-saýattylyǵyn arttyryp, jańa tehnologiialardy kúndelikti ómirde keńinen qoldaný mindeti tur. «Nur Otan» partiiasy Prezident júktegen osynaý tapsyrmanyń zor jaýapkershilikpen júzege asyryp keledi, – dedi Nurmahan Miiatuly.
IT synybynyń jetekshisi Baýyrjan Bitashev jańa ortalyqtyń jumys tártibimen tanystyryp ótti. Balalarǵa arnalǵan tegin IT synybynda 3-8 synyp aralyǵynda 15 qazaq jáne 15 orys synybynan jalpy 30 oqýshy eýropalyq bilim berý standarty negizinde, fakýltativti pán retinde tereńdetilgen bilim alatynyn alǵa tartty.
Qazaq jáne orys tilinde bilim alatyn toptar qazirdiń ózinde jaqsy jetistikterge qol jetkizip keledi eken. 2017-2018 oqý jylynda «Jas tehnikter, natýralister, stantsiialarynyń» uiymdastyrýymen ótken «Uly ónertapqyshtyqqa alǵashqy qadam» saiysynda 7-synyp oqýshysy Bahtiiar Ábýislam aýdanda bas júldeni jeńip alyp, oblysta «Uly ónertapqyshtyqqa alǵashqy qadam» saiysynda júldeli 2-oryndy ielendi. Odan bólek osy mektep oqýshylary Shymkent qalasynda uiymdastyrylǵan Lego MS EV3 robototehnikasynan oblystyq chempionatta baq synap, tájiribe arttyryp keldi.
Ashylý saltanatyna qatysqan qonaqtar IT synypta bilim alyp jatqan balalardyń sabaǵymen tanysyp, jumys isteý tásilin kórip shyqty.
Nurmahan Joldasov munan soń mektep muǵalimderimen kezdesip, olarmen erkin pikir almasty. Ata-analarmen bailanysty kúsheite otyryp, bilim sapasyn arttyrý, jas urpaq tárbiesin jolǵa qoiý, kadrlardy jumysqa qoiýda sybailas jemqorlyqty boldyrmaý máseleleri boiynsha keleli áńgimeler qozǵaǵan Nurmahan Miiatuly ustazdardyń jumystaryna sáttilik tiledi.
Shardara aýdan ákiminiń baspasóz qyzmeti
