جاقىنلا شاردارا قالاسىندا تاعى ءبىر ەلەۋلى جاڭالىق بولدى. م.گوركيي اتىنداعى جالپى ورتا مەكتەبىندە ءىت سىنىپ اشىلىپ، ءوز جۇمىسىن باستادى. سالتاناتتى شاراعا «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى نۇرماحان جولداسوۆ پەن اۋدان اكىمى بولاتبەك قىستاۋوۆ قاتىسىپ، ۇستازدار مەن وقۋشىلاردى جاڭا ورتالىقتىڭ اشىلۋىمەن قۇتتىقتادى.

– مەملەكەت باسشىسىنىڭ تاپسىرماسى بويىنشا بارلىق وڭىردە ءىت ورتالىعىن اشۋ جوباسى قولعا الىنعانىن بارشاڭىز جاقسى بىلەسىزدەر. 6 مىڭ ءىت سىنىپ اشۋ جوسپارلانعان بولسا بۇگىنگە دەيىن 1 مىڭ وسىنداي ورتالىق اشىلىپ، جۇمىسىن جۇرگىزىپ كەلەدى. بۇل ورتالىقتى اشۋداعى ماقسات – ەلباسى ۇسىنعان «سيفرلىق قازاقستان» – سيفرلىق تەحنولوگيانى تەرەڭ مەڭگەرۋ. ەلىمىزدى دامىعان 30 ەلدىڭ قاتارىنا قوسۋ ءۇشىن قولعا الىنعان وسىناۋ باعدارلاما قوعامنان جاڭا يننوۆاسيالىق دامۋدى جانە جەدەل تەحنولوگيالىق جاڭعىرۋدى تالاپ ەتەدى. ول ءۇشىن ازاماتتاردىڭ ءىت-ساۋاتتىلىعىن ارتتىرىپ، جاڭا تەحنولوگيالاردى كۇندەلىكتى ومىردە كەڭىنەن قولدانۋ مىندەتى تۇر. «نۇر وتان» پارتياسى پرەزيدەنت جۇكتەگەن وسىناۋ تاپسىرمانىڭ زور جاۋاپكەرشىلىكپەن جۇزەگە اسىرىپ كەلەدى، – دەدى نۇرماحان ميات ۇلى.

ءىت سىنىبىنىڭ جەتەكشىسى باۋىرجان بيتاشيەۆ جاڭا ورتالىقتىڭ جۇمىس تارتىبىمەن تانىستىرىپ ءوتتى. بالالارعا ارنالعان تەگىن IT سىنىبىندا 3-8 سىنىپ ارالىعىندا 15 قازاق جانە 15 ورىس سىنىبىنان جالپى 30 وقۋشى ەۋروپالىق ءبىلىم بەرۋ ستاندارتى نەگىزىندە، فاكۋلتاتيۆتى ءپان رەتىندە تەرەڭدەتىلگەن ءبىلىم الاتىنىن العا تارتتى.

ءبىلىم بەرۋ جۇيەسىن سيفرلاندىرۋ تالاپتارىنا بەيىمدەۋ قاجەتتىلىگىن ەسكەرسەك، بۇل مىندەتتى جۇزەگە اسىرۋدا IT سىنىپتان ۇلكەن كومەك بولماق. بۇل مەكتەپكە 2017-2018-وقۋ جىلىندا روبوتوتەحنيكا كابينەتى بەرىلگەن بولاتىن. مۇندا وقۋشىلار زاماناۋي كومپيۋتەرلەرمەن، 3D پرينتەر، جوعارى جىلدامدىقتى ينتەرنەت، قاجەتتى ۆەب-باعدارلامالارمەن قامتىلعان.

قازاق جانە ورىس تىلىندە ءبىلىم الاتىن توپتار ءقازىردىڭ وزىندە جاقسى جەتىستىكتەرگە قول جەتكىزىپ كەلەدى ەكەن. 2017-2018 وقۋ جىلىندا «جاس تەحنيكتەر، ناتۋراليستەر، ستانسيالارىنىڭ» ۇيىمداستىرۋىمەن وتكەن «ۇلى ونەرتاپقىشتىققا العاشقى قادام» سايىسىندا 7-سىنىپ وقۋشىسى باحتيار ءابۋيسلام اۋداندا باس جۇلدەنى جەڭىپ الىپ، وبلىستا «ۇلى ونەرتاپقىشتىققا العاشقى قادام» سايىسىندا جۇلدەلى 2-ورىندى يەلەندى. ودان بولەك وسى مەكتەپ وقۋشىلارى شىمكەنت قالاسىندا ۇيىمداستىرىلعان Lego MS EV3 روبوتوتەحنيكاسىنان وبلىستىق چەمپيوناتتا ب ا ق سىناپ، تاجىريبە ارتتىرىپ كەلدى.

اشىلۋ سالتاناتىنا قاتىسقان قوناقتار ءىت سىنىپتا ءبىلىم الىپ جاتقان بالالاردىڭ ساباعىمەن تانىسىپ، جۇمىس ىستەۋ ءتاسىلىن كورىپ شىقتى.

نۇرماحان جولداسوۆ مۇنان سوڭ مەكتەپ مۇعالىمدەرىمەن كەزدەسىپ، ولارمەن ەركىن پىكىر الماستى. اتا-انالارمەن بايلانىستى كۇشەيتە وتىرىپ، ءبىلىم ساپاسىن ارتتىرۋ، جاس ۇرپاق تاربيەسىن جولعا قويۋ، كادرلاردى جۇمىسقا قويۋدا سىبايلاس جەمقورلىقتى بولدىرماۋ ماسەلەلەرى بويىنشا كەلەلى اڭگىمەلەر قوزعاعان نۇرماحان ميات ۇلى ۇستازداردىڭ جۇمىستارىنا ساتتىلىك تىلەدى.

شاردارا اۋدان اكىمىنىڭ باسپا ءسوز قىزمەتى