Ismer kelinshek memlekettik grantpen tigin sheberhanasyn ashyp, bir jylda 2,5 mln teńge tabys tapty
Tólebi aýdany Tasaryq aýyldyq okrýgindegi Jambyl aýylynyń turǵyny Janerke Esenalieva bastaýysh kásipkerlerge arnalǵan memlekettik grantty utyp alǵan. Búginde tigin sheberhanasyn ashyp, isin dóńgeletip otyr, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Ol 555 600 teńge kólemindegi qarjyǵa qajetti jabdyqtaryn túgel satyp alǵan. Kásipker qoldaýdy «Jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy» sheńberinde alyp otyr.
Tiginshi qazirgi tańda qyz jasaýyna arnalǵan buiymdardy daiyndaidy. Sonymen qatar, qomaqty kólemde tapsyrystar qabyldaidy. Jaqynda Atyraý qalasyndaǵy aýrýhanaǵa 600 dana kórpe-tósek tikken.
Sondai-aq, tigin sheberhanasynda jergilikti sport mektepteriniń arnaiy kiimderi tigiledi.
Sheberhana iesiniń aitýynsha, ótken jylǵy tabysy shyǵyndy eseptemegende 2-2,5 mln teńge kóleminde bolǵan. Osylaisha tynymsyz eńbeginiń arqasynda jaqsy tabysqa kenelip otyr.
