ٸسمەر كەلٸنشەك مەملەكەتتٸك گرانتپەن تٸگٸن شەبەرحاناسىن اشىپ, بٸر جىلدا 2,5 ملن تەڭگە تابىس تاپتى
تٶلەبي اۋدانى تاسارىق اۋىلدىق وكرۋگٸندەگٸ جامبىل اۋىلىنىڭ تۇرعىنى جانەركە ەسەناليەۆا باستاۋىش كەسٸپكەرلەرگە ارنالعان مەملەكەتتٸك گرانتتى ۇتىپ العان. بٷگٸندە تٸگٸن شەبەرحاناسىن اشىپ, ٸسٸن دٶڭگەلەتٸپ وتىر, – دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
ول 555 600 تەڭگە كٶلەمٸندەگٸ قارجىعا قاجەتتٸ جابدىقتارىن تٷگەل ساتىپ العان. كەسٸپكەر قولداۋدى «جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان «ەڭبەك» مەملەكەتتٸك باعدارلاماسى» شەڭبەرٸندە الىپ وتىر.
تٸگٸنشٸ قازٸرگٸ تاڭدا قىز جاساۋىنا ارنالعان بۇيىمداردى دايىندايدى. سونىمەن قاتار, قوماقتى كٶلەمدە تاپسىرىستار قابىلدايدى. جاقىندا اتىراۋ قالاسىنداعى اۋرۋحاناعا 600 دانا كٶرپە-تٶسەك تٸككەن.
سونداي-اق, تٸگٸن شەبەرحاناسىندا جەرگٸلٸكتٸ سپورت مەكتەپتەرٸنٸڭ ارنايى كيٸمدەرٸ تٸگٸلەدٸ.
شەبەرحانا يەسٸنٸڭ ايتۋىنشا, ٶتكەن جىلعى تابىسى شىعىندى ەسەپتەمەگەندە 2-2,5 ملن تەڭگە كٶلەمٸندە بولعان. وسىلايشا تىنىمسىز ەڭبەگٸنٸڭ ارقاسىندا جاقسى تابىسقا كەنەلٸپ وتىر.
