Túrkistan oblysynyń ákimi Nuralhan Kósherov memlekettik satyp alý salasynda zańbuzýshylyqtarǵa jol bergen aýdan-qala ákimderiniń orynbasarlary men oblystyq basqarma basshylarynyń tártiptik jaýapkershiligin qaraýdy tapsyrdy. Bul týraly oblys ákimdiginiń baspasóz qyzmeti málimdedi, dep habarlaidy Dalanews.kz
– Memlekettik qarjy ár tiynyna deiin tiimdi jumsalýy qajet. Qolǵa alynǵan barlyq jobalar ýaqtyly ári tiimdi júzege asyrylýy tiis. Memlekettik qarajat tek áleýmettik mańyzy bar, halyqqa paidasy tietin jobalarǵa ǵana baǵyttalýy kerek. Ysyrapshyldyqqa jol berilmeidi. Qajetsiz jobalar úshin qarjy shashý toqtatylsyn. Ár basshy jaýapkershilikti sezinsin, – dedi Nuralhan Kósherov.
Ákim memlekettik satyp alý rásimderiniń barynsha ashyq júrgizilýi qajet ekenin eskertti. Ol úshin zań buzýshylyq jii tirkelgen aýdan, qala ákimdikteri men basqarmalardyń reitingin jasap, júieli túrde shara qoldaný qajettigin atap ótti.
– Árbir basshy óz salasyna jaýap berýi tiis. Tártip pen jaýapkershilik birinshi orynda turýy kerek, – dedi Nuralhan Kósherov.
