Memleket basshysy Ishki ister ministri Erjan Sádenovti qabyldady, dep habarlaidy Dalanews.kz.
Erjan Sádenov:
- eldegi kriminogendik jaǵdai jáne ishki ister organdarynyń «Zań men tártip» qaǵidatyn iske asyrý barysy jóninde aqparat berdi;
- elimizde qabyldanǵan keshendi sharalar nátijesinde byltyr qylmys sany 12,7 myńǵa azaiǵanyn baiandady:
- sońǵy jyldary qylmys deńgeiiniń, ásirese, kisi óltirý, qaraqshylyq, tonaý men urlyq siiaqty asa aýyr qylmys túrleri kórsetkishteriniń aitarlyqtai tómendeýi baiqalady;
- tergeýdiń zamanaýi ádisterin engizý arqyly qylmystyń barlyq sanaty boiynsha ashylýy jaqsara túsken;
- qylmyskerlerdi izdestirý jumystarynyń nátijesi týraly aitty. 2024 jyly politsiia izdeýde júrgen 1949 adamdy ustaǵan;
- uiymdasqan, kiber jáne esirtki qylmystaryna qarsy is-qimyl, sondai-aq quqyq buzýshylyqtardyń aldyn alý jónindegi Prezident tapsyrmalarynyń oryndalý barysyn tanystyrdy:
- uiymdasqan qylmystyq topqa qatysqany úshin 264 adam qylmystyq jaýapkershilikke tartylǵan;
- sońǵy 12 aida esirtki taratýǵa qatysty aqparat jariialaǵan 7500-ge jýyq internet-resýrs anyqtalyp, 22 tonnaǵa jýyq esirtki ainalymǵa jiberilmegen, 64 esirtki zerthanasy joiylǵan;
- internet-alaiaqtardyń 65 million qońyraýy buǵattalǵan. Nómirlerdi aýystyrýǵa arnalǵan 48 SIM-box qurylǵysy áshkerelengen. Alaiaqtardyń 2 milliard teńgeden astam qarjyny elden shyǵarýyna jol berilmegen;
- kámelet jasyna tolmaǵandardyń quqyqtaryn qorǵaý, kóshi-qondy baqylaýdy kúsheitý, jol qaýipsizdigin qamtamasyz etý, qylmystyq-atqarý júiesin jetildirý jónindegi sharalar týraly habardar etti.
Qasym-Jomart Toqaev eldegi quqyqtyq tártip pen qoǵamdyq qaýipsizdik deńgeiin odan ári arttyrý boiynsha birqatar tapsyrma berdi.
