Abai oblysynda jolaýshylar avtobýsy aýdarylyp qaldy, dep habarlaidy Dalanews.kz.
31 qańtarda saǵat 10:30-da 102 arnasyna Semei-Qainar tasjolynyń 62-shaqyrymynda, Znamenka aýylynyń mańynda bolǵan jol-kólik oqiǵasy týraly habarlama túsken.
Aldyn ala málimetke sáikes 52 jastaǵy júrgizýshi basqarǵan SETRA markaly jolaýshylar avtobýsy joldan shyǵyp ketip, keiin búiirine qarai aýdarylǵan.
Abai oblysy Politsiia departamenti málimetinshe, avtobýs salonynda vahtalyq jumysqa bara jatqan 50 jolaýshy bolǵan.
"Jol-kólik oqiǵasy saldarynan jolaýshylar dene jaraqattaryn alǵan. Barlyǵyna ýaqtyly meditsinalyq kómek kórsetildi. Bul derek boiynsha politsiia tekserý jumystaryn bastady. Oqiǵanyń mán-jaiy men sebepteri anyqtalyp jatyr", - dedi politsiia.
Politsiia departamenti júrgizýshilerdi belgilengen jyldamdyq rejimin qatań saqtaýǵa, aýa raiyn eskerýge shaqyrdy.
