Iran Ázerbaijan baǵytyna dron jiberildi degen aiyptaýlardy joqqa shyǵardy. Bul týraly Iran Qarýly kúshteriniń Bas shtaby málimdedi, dep habarlaidy Dalanews.kz.
Málimdemede Islam Respýblikasy barlyq eldiń, ásirese, kórshiles ári musylman memleketterdiń egemendigin qurmetteitini aityldy. Sondai-aq, Iran áskeri Ázerbaijan aýmaǵyna qarai eshqandai ushqyshsyz apparat jibermegeni atap ótildi.
Bas shtab ókilderi mundai áreketter buryn da Iran men musylman elderi arasyndaǵy qarym-qatynasty ýshyqtyrý úshin jasalǵanyn málimdedi.
"Olardyń maqsaty - Irandy aiyptap, eki el arasyndaǵy qatynasty shielenistirý", - dep málimdedi Bas shtab.
Eske salaiyq, buǵan deiin Irannan ushyp shyqqan dron Ázerbaijandaǵy áýejaidyń birine túsip, jarylǵany habarlandy.
