Иран Әзербайжан бағытына дрон жіберілді деген айыптауларды жоққа шығарды. Бұл туралы Иран Қарулы күштерінің Бас штабы мәлімдеді, деп хабарлайды Dalanews.kz.
Мәлімдемеде Ислам Республикасы барлық елдің, әсіресе, көршілес әрі мұсылман мемлекеттердің егемендігін құрметтейтіні айтылды. Сондай-ақ, Иран әскері Әзербайжан аумағына қарай ешқандай ұшқышсыз аппарат жібермегені атап өтілді.
Бас штаб өкілдері мұндай әрекеттер бұрын да Иран мен мұсылман елдері арасындағы қарым-қатынасты ушықтыру үшін жасалғанын мәлімдеді.
"Олардың мақсаты - Иранды айыптап, екі ел арасындағы қатынасты шиеленістіру", - деп мәлімдеді Бас штаб.
Еске салайық, бұған дейін Ираннан ұшып шыққан дрон Әзербайжандағы әуежайдың біріне түсіп, жарылғаны хабарланды.
