Qazaqstan IIM Interpol Ulttyq ortalyq biýrosynyń málimetinshe, iri kólemde alaiaqtyq jasady dep aiyptalǵan 37 jastaǵy er adam Birikken Arab Ámirlikterinen Qazaqstanǵa ekstraditsiialandy, dep habarlaidy Dalanews.kz.
Aiyptalýshy 2020-2021 jyldary azamattarǵa memlekettik organdarǵa jumysqa ornalasýǵa kómektesemin dep ýáde berip, olardyń qarajatyn zańsyz iemdengen. Jinalǵan aqshany alǵan soń, ol elden qashyp ketken.
Aǵymdaǵy jyldyń qańtarynda kúdikti Qazaqstan IIM Interpolynyń suraýymen Dýbaida ustaldy. BAÁ quzyrly organdary ony ekstraditsiialaý týraly sheshim qabyldady. Qazir ustalǵan azamat IIM ÁTD qyzmetkerleriniń qamaýynda.
