Irannyń Islam revoliýtsiiasy saqshylar korpýsy (IRSK) AQSh-tyń Larak aralyna jasaǵan soqqysyna jaýap retinde Iordaniia men Birikken Arab Ámirlikterindegi amerikalyq áskeri bazalarǵa shabýyl jasaǵanyn málimdedi, dep habarlaidy dalanews.kz.
IRSK taratqan aqparatqa sáikes, Iordaniia aýmaǵyndaǵy «Korol Hýsein» jáne «Ál-Azrak» áskeri bazalaryna ballistikalyq zymyrandar men ushqyshsyz ushý apparattary arqyly soqqy berilgen.
Sondai-aq irandyq áskeri kúshter Birikken Arab Ámirlikterindegi «Ál-Minhad» áýe bazasyna drondarmen shabýyl jasalǵanyn habarlady. Irannyń Press TV telearnasy IRSK málimdemesine silteme jasap, operatsiianyń negizgi maqsaty amerikalyq tikushaqtar men áskeri qyzmetkerler ornalasqan nysandar bolǵanyn jetkizdi.
Óz kezeginde Iordaniia biligi eldiń áýe qorǵanysy kúshteri tún ishinde memlekettiń áýe keńistigine kirgen segiz zymyrandy joiǵanyn málimdedi. Ázirge shabýyldardyń saldary men zardap shekkender týraly resmi aqparat jariialanǵan joq. Taiaý Shyǵystaǵy ahýaldyń kúrt shielenisýi óńirdegi qaýipsizdikke qatysty alańdaýshylyqty kúsheitip otyr.
