Almatyda «Azattyq Aziia» tilshisi Bagdat Asylbek politsiia departamentinde bolǵan kezde belgisiz eki adam onyń páteriniń esigin buzyp kirgen. Bul týraly sóz bostandyǵyn qorǵaý jónindegi halyqaralyq «Ádil sóz» qory habarlady.
Qordyń málimetinshe, 22 qazanda jýrnalist alaiaqtyqqa qatysty boljamdy is boiynsha túsinikteme berý úshin politsiiaǵa májbúrli túrde jetkizilgen. Ol politsiia departamentinde bolǵan ýaqytta betperde kigen eki adam páteriniń esigin buzyp, ishke kirgen.
Alaida jýrnalist úiinen eshqandai zattyń joǵalǵanyn baiqamaǵan.
Kórshileri beinebaqylaý kameralaryndaǵy jazbalardy politsiiaǵa tapsyrǵan. Jýrnalistiń advokaty Elena Jigalenok eki oqiǵanyń ózara bailanysty bolýy jáne bul áreketterdiń jýrnalisti qorqytý maqsatynda jasalýy múmkin ekenin joqqa shyǵarmaidy.
Bagdat Asylbek turǵyn úige zańsyz kirý deregi boiynsha politsiiaǵa aryz bergen.
«Ádil sóz» qory bolǵan oqiǵaǵa alańdaýshylyq bildirip, quqyq qorǵaý organdaryn isti obektivti tekserýge, belgisiz adamdardy anyqtaýǵa jáne jýrnalisti politsiiaǵa jetkizý men onyń páterine zańsyz kirý arasynda bailanys bar-joǵyn anyqtaýǵa shaqyrdy.
Dala News redaktsiiasy túsinikteme alý úshin Almaty qalalyq politsiia departamenti men Ishki ister ministrliginiń baspasóz qyzmetterine suraý joldady.
