Astanada turǵyn úidi órtep jiberýge árekettengen er adamǵa sot úkimi shyqty. Ol áleýmettik jeli arqyly berilgen tapsyrmany oryndap, bul úshin 2 myń dollar syiaqy alýdy kózdegen, dep habardaidy Dalanews.kz.
Astana qalasy prokýratýrasynyń málimetinshe, er adam Instagram jelisi arqyly belgisiz tulǵalarmen bailanysqa shyǵyp, aqsha úshin zańsyz áreket jasaýǵa kelisken.
Tergeý barysynda onyń aldyn ala daiyndalǵan janǵysh qurylǵylardy turǵyn úige qarai laqtyrǵany anyqtalǵan. Oqiǵa kezinde úi ishinde adamdar bolǵan. Bul olardyń ómiri men densaýlyǵyna naqty qaýip tóndirgen.
"Qylmys kúdiktige bailanysty emes mán-jailarǵa bailanysty sońyna deiin jetkizilmedi", – dep habarlady Astana qalasy prokýratýrasynyń baspasóz qyzmeti.
Sot er adamdy bótenniń múlkin joiýǵa oqtalý baby boiynsha kináli dep tanydy. Úkim shyǵarý kezinde onyń buryn ótelmegen sottylyǵy bary da eskerilgen.
Nátijesinde sot oǵan 3 jyl 6 ai merzimge bas bostandyǵynan aiyrý jazasyn taǵaiyndady.
