Shveitsariiadaǵy Halyqaralyq basqarý damytý institýtynyń (IMD) derekteri boiynsha, Qazaqstan 69 eldiń ishinde 34-orynǵa kóterilip, ótken jylmen salystyrǵanda bir satyǵa joǵarylady. Bul kórsetkish boiynsha elimiz Japoniiany (35-oryn), Kýveitti (36-oryn) jáne Portýgaliiany (37-oryn) basyp ozdy, dep habarlaidy Dalanews.kz.
Reitingtiń kóshbasshy ondyǵyna mynalar elder enedi: Shveitsariia, Singapýr, Gonkong, Daniia, BAÁ, Taivan, Irlandiia, Shvetsiia, Katar jáne Niderland.
IMD reitingi tórt negizgi baǵyt boiynsha baǵalanady:
• Ekonomikalyq qyzmet
• Úkimet tiimdiligi
• Biznestiń tiimdiligi
• Infraqurylym
Qazaqstan bul baǵyttardyń ishinde ekeýi boiynsha oń ózgerister kórsetti — "Biznestiń tiimdiligi" (28-den 20-orynǵa) jáne "Infraqurylym" (49-dan 44-orynǵa).
Mundai nátijege eńbek ónimdiliginiń artýy, kompaniialardyń ikemdiligi, tehnologiialyq bazanyń keńeiýi jáne ornyqty iskerlik orta esebinen qol jetkizildi.
Buǵan deiin saitymyzda "Qazaqstan qalai orta derjava atanyp júr" degen maqala jariialanǵan bolatyn.
