شۆەيسارياداعى حالىقارالىق باسقارۋ دامىتۋ ينستيتۋتىنىڭ (IMD) دەرەكتەرى بويىنشا، قازاقستان 69 ەلدىڭ ىشىندە 34-ورىنعا كوتەرىلىپ، وتكەن جىلمەن سالىستىرعاندا ءبىر ساتىعا جوعارىلادى. بۇل كورسەتكىش بويىنشا ەلىمىز جاپونيانى (35-ورىن)، كۋۆەيتتى (36-ورىن) جانە پورتۋگاليانى (37-ورىن) باسىپ وزدى، دەپ حابارلايدى Dalanews.kz.

رەيتينگتىڭ كوشباسشى وندىعىنا مىنالار ەلدەر ەنەدى: شۆەيساريا، سينگاپۋر، گونكونگ، دانيا، ءباا، تايۆان، يرلانديا، شۆەسيا، كاتار جانە نيدەرلاند.

IMD رەيتينگى ءتورت نەگىزگى باعىت بويىنشا باعالانادى:

• ەكونوميكالىق قىزمەت
• ۇكىمەت تيىمدىلىگى
• بيزنەستىڭ تيىمدىلىگى
• ينفراقۇرىلىم

قازاقستان بۇل باعىتتاردىڭ ىشىندە ەكەۋى بويىنشا وڭ وزگەرىستەر كورسەتتى — "بيزنەستىڭ تيىمدىلىگى" (28-دەن 20-ورىنعا) جانە "ينفراقۇرىلىم" (49-دان 44-ورىنعا).

مۇنداي ناتيجەگە ەڭبەك ونىمدىلىگىنىڭ ارتۋى، كومپانيالاردىڭ يكەمدىلىگى، تەحنولوگيالىق بازانىڭ كەڭەيۋى جانە ورنىقتى ىسكەرلىك ورتا ەسەبىنەن قول جەتكىزىلدى.

بۇعان دەيىن سايتىمىزدا "قازاقستان قالاي ورتا دەرجاۆا اتانىپ ءجۇر" دەگەن ماقالا جاريالانعان بولاتىن.