Osy oraida, beton, plitka, plastmassa buiymdaryn óndiretin «Arkaz Invest» jaýapkerligi shekteýli seriktestigi osy bastamaǵa qoldaý bildirip, 3000 qorap azyq-túlikti aýdan ortalyǵy Energetik okrýginen bastap Baiserke, Jetigen, Qaraoi, Ashybulaq, Mejdýrechensk, KazTsIK, Chapai, Kúrti, Boraldai okrýgterindegi ár ataýly otbasylarǵa taratýdy bastady.
Búgingi kúni Boraldai kenti, Ashybulaq, KazTsik, Mejdýrechensk aýyldarynyń otbasylaryna úlestirildi. Aldaǵy ýaqytta qalǵan aýmaqtardy qamtý niet bar. Osy azyq túlikti halyqtyń áleýmettik álsiz tobyna taratý jumystaryna aýdandyq jastar resýrstyq ortalyǵy men toǵyz okrýgtiń eriktileri atsalysty.
Elordamyz Nur-Sultan men Almaty shaharlaryna jariialanǵan karantinmen qatar koronavirýstan sekem alǵan barsha jurtqa demeý bolatyndardyń biri jergilikti atqarýshy bilik desek, artyq aitqandyq emes. «Tas túsken jerine aýyr» demekshi, kúsh el basqaryp otyrǵan azamattarǵa túsetini beseneden belgili.
El basyna kún týǵan sátte Úkimet adamdarynyń bir jaǵyna bolysyp, kásipker azamattarymyz da shet qalmai, qol ushyn berip, qamqorlyq tanytqanyna aýdan turǵyndary dán riza bolyp, alǵystaryn jaýdyrýda.
Óitkeni, Almaty qalasyna karantin jariialanǵan sátte az qamtylǵan otbasylardyń kóbisi azyq-túlik alýǵa shamalary kelmegeni aidan anyq.
Áleýmettik kómek alýshylardyń biri, Ashybulaq aýyldyq okrýginiń turǵyny Gýlmira Jaqypova: «Meniń otbasymda joldasymmen birge úsh balam jáne qaiyn atam, baýyrlarym turady. Bir shańyraqta jeti adambyz. Myna qysyltaiań ýaqytta sizderdiń taraptaryńyzdan berilgen azyq-túlik januiama úlken kómek. Qarjy tapshylyǵynan ýaqytynda un-maiymyzdy ala almai, abdyrap qalyp edik.
Endi mine, osy azyqpen bala-shaǵama kem degende bir apta ystyq tamaq ázirleitinim anyq.
Osyndai kún týǵan sátte kóńil bólip, qalymyzdy surap, eskerip jatqan aýdan basshylaryna shynaiy alǵysymdy aitamyn», - dep aǵynan jaryldy.
Osy okrýgten áleýmettik jaǵdaiy tómen E. Mysekeevter men T. Ermekovalardyń otbasylaryna da ózderine tiesili kómek eriktiler qolymen tabystaldy.
Osy aktsiia aiasynda aýdandyq mádeniet qyzmetkerleriniń bastaýymen 500 dana kópqoldanbaly betperde tigilip, azyq-túlikpen birge otbasylarǵa taratylyp, koronavirýstan qalai qorǵaný kerektigi jaily, tazalyqty qatań saqtap, úide bolýlaryn, qoǵamdyq oryndarǵa ýaqytsha jolamaý kerektigi naqty qadap eskertilip, úgit-nasihat júrgizildi.
Betperdemen jáne azyq-túlikpen qamtylǵandar qatarynda KazTsIK aýyldyq okrýginiń turǵyny Dinara Kenjebaeva da bar. Dinaranyń joldasy densaýlyǵyna bailanysty aýyr jumysqa jaramaidy eken. Ózderiniń ortaq eki balasy bar. Ózi de jumyssyz. Úkimet tarapynan beriletin ataýly áleýmettik kómektiń qarjysymen kún kórýde. Dinara Kenjebaeva: «Myna karantin bizdiń otbasymyzǵa úlken kesirin tigizip otyrǵanyn jasyra almaimyn. Rasynda da kómekke muqtajbyz. Sizderdiń bergen kómekterińizge jáne osyny uiymdastyryp otyrǵan aýdan basyshysyna, kásipker azamattarǵa alǵystan basqa aitarym joq. Elimiz tynysh, el basqarǵan azamattar aman bolsyn degim keledi», - dedi.
Aldaǵy ýaqytta da aýdan kólemindegi halyqtyń áleýmettik álsiz tobyna aktsiianyń jalǵasy retinde aýdandyq ákimshilik tarapynan jáne jergilikti kásipkerlerden de beriletin gýmanitarlyq kómekter jalǵasyn tabatyn bolady.
Máselen, azdaǵan ýaqytta osy kómekten bólek qosymsha 3000 gigienalyq jáne jeke qolodanysqa arnalǵan zattardy úlestirý jospary bar.
Birligimiz qoǵamdy alańdatyp otyrǵan indettiń aldyn alýǵa jáne birjola alastatýyna naqty kepil bola alady dep senemiz.
