Búginde iKOMEK109 azamattardyń qala qyzmetterimen jáne Nur-Sultan qalasy ákimdiginiń basqarmalarymen «kedergisiz» jáne tikeleı tildesýdiń basty quraldarynyń biri bolyp tabylady jáne turǵyndardyń barlyq ótinishterin, onyń ishinde áleýmettik jelilerdegi barlyq ótinishterdi shoǵyrlandyryp, «Tyńdaıtyn memleket» tujyrymdamasyna tolyqtaı sáıkes keledi.
QR Prezıdenti óziniń halyqqa Joldaýynda azamattardyń syny men syndarly usynystaryn jyldam qaraıtyn «Halyq únine qulaq asatyn memleket» tujyrymdamasyna ótý qajet ekenin aıtqan bolatyn.
Osy oraıda iKOMEK109 qalalyq ortalyǵynyń mısıasy – qaladaǵy ómir súrý sapasyn jaqsartý jáne turǵyndarǵa arnalǵan qalalyq servıster sapasyn arttyrý kóp kómek kórsetýde.
Memlekettik organdarmen jáne Nur-Sultan qalasy ákimdiginiń basqarmalarymen ózara is-qımyl maqsatynda qala deńgeıinde reglamenttik merzimder belgilendi.
Qalany basqarýdyń sıfrlyq paneliniń kómegimen iKOMEK109 kúndelikti olardyń saqtalýyn qadaǵalaıdy. Elorda turǵyndarynyń muqtajdyqtaryna jyldam den qoıý – iKOMEK109 qalalyq ortalyǵynyń basym mindeti. Turǵyndardyń iKOMEK109-ǵa ótinishteri negizinde anyqtalǵan, elorda turǵyndaryn mazalaıtyn elordanyń barlyq júıeli problemalary apta saıyn aparattyq jıyndarda talqylanady.
Elorda ákimi orynbasarlaryna, aýdan ákimderi men ákimdik basqarmalaryna turǵyndardyń júıeli túıtkilderin oryndaý boıynsha naqty tapsyrmalar beredi.
Munan basqa, Qalalyq monıtorıń ortalyǵy elorda basshylyǵyna qalanyń «tynysyn» baqylap otyrýǵa kómektesedi. Azamattardyń keri baılanysyn taldaıtyn jáne máselelerdi qalanyń júıeli túıtkilderiniń reıtıńisine júıeleıtin, BIG DATA tehnologıasy boıynsha jasalǵan sıfrlyq platforma quryldy.
Búgingi tańda reıtıńte 48 túıtkil bar, olardy sheshý qaladaǵy ómir súrý sapasyn aıtarlyqtaı jaqsartýǵa múmkindik beredi. Aıta ketetin jaıt, túıtkildiń 11-i qazirgi kezde sheshimin tapty.
