بۇگىندە iKOMEK109 ازاماتتاردىڭ قالا قىزمەتتەرىمەن جانە نۇر-سۇلتان قالاسى اكىمدىگىنىڭ باسقارمالارىمەن «كەدەرگىسىز» جانە تىكەلەي تىلدەسۋدىڭ باستى قۇرالدارىنىڭ ءبىرى بولىپ تابىلادى جانە تۇرعىنداردىڭ بارلىق وتىنىشتەرىن، ونىڭ ىشىندە الەۋمەتتىك جەلىلەردەگى بارلىق وتىنىشتەردى شوعىرلاندىرىپ، «تىڭدايتىن مەملەكەت» تۇجىرىمداماسىنا تولىقتاي سايكەس كەلەدى.
ق ر پرەزيدەنتى ءوزىنىڭ حالىققا جولداۋىندا ازاماتتاردىڭ سىنى مەن سىندارلى ۇسىنىستارىن جىلدام قارايتىن «حالىق ۇنىنە قۇلاق اساتىن مەملەكەت» تۇجىرىمداماسىنا ءوتۋ قاجەت ەكەنىن ايتقان بولاتىن.
وسى ورايدا iKOMEK109 قالالىق ورتالىعىنىڭ ميسسياسى – قالاداعى ءومىر ءسۇرۋ ساپاسىن جاقسارتۋ جانە تۇرعىندارعا ارنالعان قالالىق سەرۆيستەر ساپاسىن ارتتىرۋ كوپ كومەك كورسەتۋدە.
مەملەكەتتىك ورگاندارمەن جانە نۇر-سۇلتان قالاسى اكىمدىگىنىڭ باسقارمالارىمەن ءوزارا ءىس-قيمىل ماقساتىندا قالا دەڭگەيىندە رەگلامەنتتىك مەرزىمدەر بەلگىلەندى.
قالانى باسقارۋدىڭ سيفرلىق پانەلىنىڭ كومەگىمەن iKOMEK109 كۇندەلىكتى ولاردىڭ ساقتالۋىن قاداعالايدى. ەلوردا تۇرعىندارىنىڭ مۇقتاجدىقتارىنا جىلدام دەن قويۋ – iKOMEK109 قالالىق ورتالىعىنىڭ باسىم مىندەتى. تۇرعىنداردىڭ iKOMEK109-عا وتىنىشتەرى نەگىزىندە انىقتالعان، ەلوردا تۇرعىندارىن مازالايتىن ەلوردانىڭ بارلىق جۇيەلى پروبلەمالارى اپتا سايىن اپپاراتتىق جيىنداردا تالقىلانادى.
ەلوردا اكىمى ورىنباسارلارىنا، اۋدان اكىمدەرى مەن اكىمدىك باسقارمالارىنا تۇرعىنداردىڭ جۇيەلى تۇيتكىلدەرىن ورىنداۋ بويىنشا ناقتى تاپسىرمالار بەرەدى.
مۇنان باسقا، قالالىق مونيتورينگ ورتالىعى ەلوردا باسشىلىعىنا قالانىڭ «تىنىسىن» باقىلاپ وتىرۋعا كومەكتەسەدى. ازاماتتاردىڭ كەرى بايلانىسىن تالدايتىن جانە ماسەلەلەردى قالانىڭ جۇيەلى تۇيتكىلدەرىنىڭ رەيتينگىسىنە جۇيەلەيتىن، BIG DATA تەحنولوگياسى بويىنشا جاسالعان سيفرلىق پلاتفورما قۇرىلدى.
بۇگىنگى تاڭدا رەيتينگتە 48 تۇيتكىل بار، ولاردى شەشۋ قالاداعى ءومىر ءسۇرۋ ساپاسىن ايتارلىقتاي جاقسارتۋعا مۇمكىندىك بەرەدى. ايتا كەتەتىن جايت، تۇيتكىلدىڭ 11ء-ى قازىرگى كەزدە شەشىمىن تاپتى.
