Ishki ister ministrligi internettegi qaýipsizdik qarapaiym, biraq mańyzdy erejelerden bastalatynyn eske saldy, dep habarlaidy dalanews.kz.
"Áleýmettik jeliler qarym-qatynas jasaýǵa, bilim alýǵa jáne ómirińizdegi qyzyq sátterdi bólisýge múmkindik beredi. Alaida ashyqtyq sizdiń qaýipsizdigińizge qater tóndirmeýge tiis", - dedi IIM ókilderi.
Negizgi erejeler:
- Mekenjaiyńyzdy, telefon nómirińizdi, oqityn mektebińizdi, sabaq kestesin jáne ornalasqan jerińizdi anyqtaýǵa múmkindik beretin basqa da jeke málimetti jariialamańyz.
- Geolokatsiiany kórsetetin foto men storisti naqty ýaqyt rejiminde salmańyz. Ondai materialdardy sol jerden ketkennen keiin ǵana bólisken durys.
- Dostar qataryna tek jeke tanityn adamdardy qosyńyz.
- Paraqshańyzdyń qupiia baptaýlaryn rettep, jazbańyzdy tek senimdi adamdar kóretindei etip qoiyńyz.
- Beitanys adamdarǵa jeke fotolaryńyzdy, qujattaryńyzdy nemese ózge de qupiia aqparatty jibermeńiz.
- Beitanys adam sizge shamadan tys nazar aýdaryp, jeke málimetińizdi surasa, qaida júrgenińizdi biletinin aitsa nemese qorqytýǵa tyryssa, onymen bailanysty birden toqtatyńyz.
- Kúmándi akkaýntty buǵattańyz.
