Ishki ister ministrligi ata-analarǵa úndeý jasady, dep habarlaidy Dalanews.kz.
Vedomstvo jol boiyndaǵy syrǵanaqtan saq bolýǵa shaqyrady.
“Qurmetti ata-analar! Qalyń qardyń túsýimen birge balalardyń qaýipsizdigine kóńil bólińiz. Joldyń janynda shanamen syrǵanaý siiaqty qysqy oiyndar qaýipti bolýy múmkin. Balalar kóbine ainalasyndaǵy qaterdi baiqamaidy jáne syrǵanaqtan tikelei jolǵa qarai shyǵyp ketýi yqtimal. Bul olardyń jaraqattanýyna nemese jol-kólik oqiǵalaryna ákelýi múmkin”, – deidi IIM ákimshilik politsiia komitetiniń erekshe tapsyrmalar jónindegi aǵa inspektory Aqtoty Boranova.
Sondyqtan IIM balalarǵa negizgi qaǵidalardy túsindiredi:
- Tek trotýarlar men jaiaý júrginshiler joldarymen júrý kerek;
- Joldyń janynda oinaýǵa bolmaidy;
- Joldy kesip ótý kezinde eki jaqqa da qaraý kerek ekenin únemi eske salyp otyryńyz.
- Qysta balalardy júrgizýshi kóretindei ashyq tústi, kózge kórinetin kiim kigizińiz.
“Balalarymyzdyń qaýipsizdigin birge qamtamasyz eteiik! Sizdiń janashyrlyǵyńyz ben qyraǵylyǵyńyz kóptegen jazataiym oqiǵalardyń aldyn alady” deidi Aqtoty Boranova.
